Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 78

Diitz ni caa cué yoʼ

Diitz ni caa cué yoʼ

¿XÍ GALNADX cayac reʼ? Buñ noʼ ló toib lanii roʼ. Ni rony mandary Babilonia buny invitarbu mil buñxirop. Caquiinyibu tazones, copas de or né de plata ni cuaʼyibu lainy yoʼ xiroʼ ro rac adorar Jehová ni noʼ lainy Jerusalén. Tisintiempsi, bicuña toib buñguieeu rienni labu né rasalóni racaʼni diitz cué yoʼ. Guiráyibu radzuiby.

Buñguieeu ni cayony mandary nigoreʼ laa Belsasar, bixiogolbu góc Nabucodonosor. Belsasar raxelcaʼbu guirá buñnan né raibybu buñreʼ: Ni labúu goʼol diitzreʼ né gaiby naʼ ximod rarexani, sascada láabu xidal cós né guidxin gacbu ni rion buñnan ni gony mandary lainy gobierno reʼ. Per ni toib buñnan ni napbu labúu roʼol diitz ni caa cué yoʼ né láaca diti labúu rabexayibu láani.

Órni xinaʼ Belsasar racadiag ruid ni cayac, rioʼ ro dxeeyibu cayoyibu né raibybu Belsasar: Ranába lólo diti guidzuibylo. Lainy gobierno xtunylo noʼ toib buñguieeu ni rimbu tipnés dioxh ni diti nap galkié. Ló dzú ni buny mandary bixiogol lo, Nabucodonosor, goleschinbu buñguieeu reʼ ñony mandary tipnés buñnan. Laabu Daniel. Bixelcaʼ láabu guieed, né cuéxabu guirá diitzreʼ looy.

Ni maca ritnéyibu Daniel. Después ni Daniel diti gosaguel nacaʼ ni cascad Belsasar láabu, rasaló ranibu xigony Jehová goleʼ bixiogolbu Nabucodonosor ló galmandary. Láabu nigolú farmay gócbu, ná Daniel. Né Jehová buny castigar láabu.

Per looy nanlo xi guirá góc né láabu, raiby Daniel a Belsasar, looy diti rasianlo mod nacloʼ, buñ farmay looy xomod góc bixiogol lo. Bitnélo copas né tazones ni goyoʼ lainy yoʼ xiroʼ ro rac adorar Jehová né goʼlo lainyni. Bunyxiroʼlo laa dioxh ni goyaʼ de yac né guiee, né diti bunyxiroʼlo laa Dios ni Bisaʼ guiráxadit cós né diti noʼ chú Rigaʼl láabu. Por ngú Dios buny que toib ña nacaʼ diitzreʼ.

Daniel racapy, diitz ni cabíto reʼ ná scareʼ: MENÉ, MENÉ, TEKEL né PARSÍN.

MENÉ rarexani que Dios ma bigab dzú ni gonylo mandary né ma bisloʼoxbu láani. TEKEL rarexani que ma goyobuʼlo ló balanz né bienni que diti raquiinlo. PARSÍN rarexani que gobierno xtunylo guicaʼ medos né persas láani.

Laʼga Daniel caniʼ, medos né persas rasaló racalóyibu Babilonia. Rioʼyibu racaʼyibu gudx né ragaityibu Belsasar. ¡Diitz ni caa cué yoʼ rac cumplirni gueʼel cuca! Per ¿xí gac né israelitas nigoreʼ? Ló historias ni sietra guisuidyno más de láani, per nigoreʼ guibino xí rasaclóo Daniel.

Daniel 5:1-31.