Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 79

Daniel lad betz ons

Daniel lad betz ons

¡BIBIʼ gannlo! Ralooypani Daniel noʼ ló toib galnagan. ¡Per diti noʼ xí rony guirá betz ons láabu! ¿Nanlo xigony la? ¿Chú bisal Daniel lad guirá betz ons reʼ? Guibino guidoni.

Ni cayony mandary Babilonia nigoreʼ, ngú toib buñguieeu ni laa Darío. Darío rioladx mod nac Daniel portín nacbu buñtzay né buñnan, por ngú Darío rony láabu toib buñxirop ni rony mandary lainy gobierno xtunybu. Por ngú tipnés buñguieeu radzuitzyibu Daniel, né ronyibu ndeʼ:

Rieyibu né raibyibu Darío: Guirádo racladxdo que looy ni cayony mandary, cuélo toib ley ni guiniʼ que ló treint dzú ni toib buñ guininé dioxh né buñgudxlio nosi looy. Pal noʼ ni diti rasob láani, non tzébu lainy xcarió betz ons. Darío diti nann xigony guirá buñguieeu reʼ canab guiré ley reʼ. Per Darío raluladx que galán mod ni caniʼyibu, né racaʼbu láani. Nigoreʼ ley reʼ diti labúu guidzaʼni.

Órni radxiin ndeʼ guidiag Daniel, riebu lidxbu né raninébu Jehová mod ronybu guirá dzú. Guirá buñguieeu mal reʼ nanyibu que Daniel diti sasian guininé Jehová. Rabaladxyibu portín ralooypani guirebuʼ ni náni layibu, gaity Daniel.

Órni Darío raduidy cuent xí ni cayac, nabann rioʼbu. Per diti labúu guitzábu ley reʼ, né non gony mandarybu par guisalyibu Daniel lainy xcarió betz ons. Per Darío raibybu Daniel: Napa confianz lóo Dios ni rony adorarlo labúu guilaabu looy.

Darío nigolú rioʼbu ló xcalrrasani né diti ranás bacaʼal láabu gueʼel cú. Raraa stoib gueʼel cú Darío raxony riée roʼ xcarió betz ons. Ló dibuj labúu rabilo láabu. Darío racaʼbu rudx: ¡Daniel, buñguieeu ni rony xchiin Dios ni nabany! ¿Labúu bilaa Dios ni looy rony adorarlo de betz ons la?

Daniel racapy: Dios bixel ángel xtuny, né bisieg roʼ guirá betz ons par diti ñonymu xitcal naʼ.

Darío nigolú rabaladx. Rony mandarybu guiré Daniel lainy garió. Ór cú rasalbu lainy xcarió betz guirá buñ mal ni ná nagaity a Daniel. Guirá buñ mal reʼ labusa séeyibu betz ons ranás layibu né raxoʼox xchityibu.

Ór cú Darío raxel guiich lóo guirá buñ ni rony mandarybu: Guiráto colguisanadx Dios ni rony adorar Daniel. Dios ni rony adorarbu, láabu ngú ni rony cós ni nigolú radziguiaʼ buñ. Láabu bilaabu Daniel de guirá betz ons.

Daniel 6:1-28.