Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 56

Saúl ni primer buny mandary Israel

Saúl ni primer buny mandary Israel

BIBIʼ Samuel cagotz aceity guic buñguieeu reʼ. Ló dzúcu scá ronyibu par guislooyibu chú ngú ni cabúyibu par gony mandary. Jehová raibybu a Samuel guigotz aceity guic Saúl, aceity reʼ gadzé clas láani portín ralanaxni.

Saúl diti biluladxbu que labúu gony mandarybu xcudx Jehová. Láabu raibybu Samuel: Naʼ sieela de xfamily Benjamín ni más nahuin de Israel. ¿Xigony nálo que naʼ gony mandary? Jehová rioladx mod nac Saúl portín diti raniiny láabu gacbu toib buñxirop. Por ngú Jehová rabú láabu par gony mandarybu gudx Israel.

Per Saúl nacbu buny ric. Xhomilbu nap xiroʼ bidxiich né toib buñguieeu móz láabu né nasoʼbu. ¡Radudytzoobu guic guirá israelitas! Saúl láaca nambu raxonybu, né nigolú nadipbu. Buñ rabaladx que Jehová golúbu Saúl par gony mandary. Guiráyibu racaʼyibu rudx: ¡Ni rony mandary guibany xidzú!

Guirá xi enemig israelitas nadipsayibu. Diti xidzú de goló gosaló buny mandary Saúl, ammonitas biaʼpy par guicaló layibu. Per Saúl ratop xidalguixo buñ, né ronyibu gann ammonitas. Gudx Israel rabaladx que Saúl cayony mandary layibu.

Radudy xidal íz, Saúl rasanir nisló israelitas par gony gann xidal buelt ló guerr. Saúl láaca noʼ toib xiimbu ni nap balory, laabu Jonatán. Né Jonatán racné gudx Israel par gony gann xidal buelt ló guerr. Filisteos nacsa enemig ni más rianladx gudx Israel. Toibtica dzú, xidalguixo filisteos rieed par guicaló Israel.

Samuel raibybu Saúl que diti gac naguelbu gonybu toib galrrascad Jehová, que cuésbu Samuel. Per Samuel racla. Saúl radzuiby que filisteo saló tíil né layibu, por ngú rac naguelbu né lásibu ronybu galrrascad cú Jehová. Órni Samuel radxiin ronoʼbu raibybu Saúl que diti bisobbu Jehová. Samuel raiby láabu: Jehová sabú stoib buñ par gony mandary Israel.

Diti xidzú de goló góc ndeʼ, Saúl diti rasobbu Jehová stoib. Samuel raiby láabu: Más galán láani guisob buñ Jehová que ni guiscad buñ xidal xiil ni más nasac láabu. Por ni diti bisobdiitzlo Jehová, láabu gonybu que guisianlo gony mandarylo Israel.

De guirá ndeʼ noʼ ni rasuidyno, que nigolú rasac guisobno Jehová guirá ór. Ndeʼ láaca rasuidy que buñ ni natzaay xcalrrien xomod góc Saúl, labúu gac buñ mal. ¡Diti guisaclono xomod gosaclobu!

1 Samuel, capítulos 9 a 11; 1 Samuel 13:5-14; 14:47-52; 15:1-35; 2 Samuel 1:23.