Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 68

Chop mbioxien rabany stoib

Chop mbioxien rabany stoib

PAL toib mbioxien ñaity, ¿ximod nasac xinaʼbu pal nabiguet nabanybu stoib? ¡Nigolú nabaladxbu! Per ¿labúu guibany toib buñ ni ma goity la? ¿Ma goyoʼ dzú gocni scú la?

Bibiʼ buñguieeu, buñgonaʼ né mbioxien ni noʼ ló dibuj. Buñguieeu ni noʼ ca laa Elías, né Jehová raquiin láabu par guiniʼ xí gac dzú ni sietra. Buñgonaʼ reʼ toib viod de gudx ni laa Sarepta láabu, né xiimbu mbioxien reʼ. Toibtica dzú mbioxien reʼ raxoʼ. Rac xiroʼ xcalguitzbu, né raitybu. Ór cú Elías raiby a buñgonaʼ reʼ: Godané xiinlo naʼ.

Elías riné mbioxien ni ma goity lainy toib cuart de chop píis né raguiʼxbu mbioxien reʼ ló loʼon. Ór cú raninébu Jehová: Jehová, buny que mbioxien reʼ guibany stoib. ¡Né mbioxien reʼ rasaló racaʼ buu! Ór cú Elías riné láabu ronoʼ xinaʼbu né raibybu gonaʼ reʼ: ¡Bibiʼ gannlo, xiinlo ma nabany stoib! Ndeʼ rony que nigolú rabaladx xinaʼbu.

Stoib buñguieeu ni raniʼ diitz ni rasac ni Jehová raquiin par guiniʼ xí gac dzú ni sietra, laa Eliseo. Láabu racnébu Elías. Per después Jehová láaca ronybu que Eliseo rony galrradziguiaʼ. Toibtica dzú riebu gudx ni laa Sunem, né lagarycu noʼ toib buñgonaʼ ni nigolú buñtzay nac né láabu. Buñgonaʼ reʼ rioʼ toib xiimbu.

Toib rosil, órni mbiox reʼ ma napbu más íz, riebu ro cayony bixiosbu dxiin lainy layoo. Tisintiempsi racaʼbu rudx: ¡Cayoʼob guicaʼ! Órni radxiinnébu mbioxien reʼ rioʼ, nidxiyen reʼ raity. ¡Nigolú nabann rioʼ xinaʼbu! Gonaʼ reʼ ni maca riebu rayopybu pu niis noʼ Eliseo.

Órni Eliseo radxiin, rioʼbu lainy cuart ronoʼ mbioxien ni ma gueʼet nac. Raninébu Jehová, né ratbu laidy gueʼet reʼ. Órcuca bilaguii guidopyzoo mbioxien reʼ, né rasaló raxixesbu gatz buelt. ¡Balaati rabaladx xinaʼbu órni rioʼbu lainy cuart né rabíbu que nabany xiimbu!

Xidalguixo buñ ma goity. Ndeʼ rony que xhomilyibu né ximigyibu rioʼ nabann. Lóono diti labúu ronyno que gueʼet guibany stoib. Per Jehová labúu rony láani. Ló historias ni sietra guisuidyno ximod Jehová labúu sony que xidalguixo buñ guiás stoib.

1 Reyes 17:8-24; 2 Reyes 4:8-37.