Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 70

Jonás né beel xirop

Jonás né beel xirop

BIBIʼ buñguieeu ni noʼ lainy nís. Nigolú mal cayeeni láabu. ¡Beel reʼ caiby láabu! ¿Nanlo chú ngú buñguieeu reʼ la? Laabu Jonás. Guisuidyno ximod goyoʼbu ló xiroʼ galnagan.

Jonás láabu toib buñguieeu ni Jehová raquiin par guiniʼ xí gac dzú ni sietra. Diti xidzú de goló goity Eliseo Jehová raibybu Jonás: Goyee gudxrop ni laa Nínive. Cós mal ni cayony buñ ni rabés cú nigolú ma bidalni, né nainy naʼ gaipylo layibu mal láani ni cayonyibu.

Per Jonás nayaʼ, diti ná tze Nínive. Por ngú rioʼbu lainy toib bark ni sée stoib lad. Jehová diti rioladx ni Jonás ranás gadzé lad. Por ngú Jehová rony que rac toib buroʼdant. Nigolú nadip cayacni que bark cú ma guiguichni. Ni rony dxiin lainy bark cú radzuibyibu, né rasaló racaʼyibu rudx lóo xtioxhyibu par gacné layibu.

Último Jonás raniʼ: Naʼ rony adorar Jehová, Dios ni bisaʼ guibá né Gudxlio. Caxony de ronoʼ Jehová portín diti buny mod ni gochbu naʼ. Por ngú ni rony dxiin lainy bark ranabdiitzyibu Jonás: ¿Xí non gonyno par cués ló buroʼdant reʼ?

Colguisal naʼ lainy nisdaʼ, né nisdaʼ sioʼdzuni, racapy Jonás. Ni rony dxiin lainy bark cú diti nainy layibu gonyibu ngú, per órni buroʼdant reʼ rac xiroʼ más, rasalyibu Jonás lainy nisdaʼ. Ni maca buroʼdant reʼ rabésni, né nisdaʼ ma noʼdzuni stoib.

Órni Jonás raguich lainy nís, toib beel xirop ragaiby láabu. Per láabu diti raitybu. Por tzón govitz né tzón gueʼel rioʼbu lainy beel xirop reʼ. Jonás nigolú rioʼobni láabu ni diti bisobbu Jehová ni diti goyebu Nínive. Por ngú, ¿nanlo xí ronybu la?

Jonás ranab lóo Jehová gacné láabu. Ór cú Jehová rony que beel reʼ radxib Jonás ló yoo roloo nisdaʼ. Ór cú, Jonás ranás néz riée Nínive. ¿Diti rasuidy ndeʼ lóono que nigolú rasac gonyno guirá ni Jehová raiby lóono la?

Jonás, toib libro ni sieed ló Biblia.