Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 72

Dios racné Ezequías

Dios racné Ezequías

¿NANLO xigony buñguieeu reʼ caniné Jehová la? ¿Xigony ma godiʼxbu guirá guiich reʼ nisló Dios? Buñguieeu reʼ laa Ezequías. Láabu ni rony mandary chop family xiroʼ de Israel. Né noyibu ló xiroʼ galnagan. ¿Nanlo xigony la?

Portín xidalguixo soldad asirios ma binitlóyibu chii family xiroʼ de Israel. Jehová biduidy lagary que ndeʼ nadudy por ni gocyibu buñ mal. Né nigoreʼ xidalguixo soldad xtuny asirios sieed par guicaló gobierno xtuny chop family xiroʼ de Israel.

Ni rony mandary Asiria diti xidzú de goló ma bixelbu guiich ló Ezequías. Láani ngú guirá guiich reʼ ni Ezequías godiʼx nisló Jehová. Ló guiich cú caani que raxiichyibu de Jehová, né nayibu que Ezequías non guirégann. Por ngú Ezequías ranab lóo Jehová: Jehová, bilaa lóodo ladxña buñguieeu ni rony mandary Asiria. Ór cú guirá gudxrop gann que toibguielotlo nacloʼ Dios. ¿Sacadiag Jehová ni canab Ezequías la?

Ezequías natzaay xcalrriembu par gony mandary. Diti nacbu xomod stipnés ni rony mandary ni diti natzaay xcalrrien de chii family xiroʼ de Israel, láaca diti nacbu xomod bixiosbu ni rony mandary ni laa Acaz. Ezequías rasobdiitzbu né racaatzaybu cuidad guirá xiley Jehová. Por ngú, órni ralox raninébu Jehová, Isaías, ni raniʼ xí gac dzú ni sietra, raxel diitzreʼ lóbu ni sieed de Jehová: Ni rony mandary Asiria diti sioʼbu lainy gudx Jerusalén. Ni toib soldadbu sadxin gahx. Diti sacuaʼcyibu ni toib flecha par guicalóbu gudx reʼ.

Bibiʼ dibuj ni sieed ló guiich reʼ. ¿Nanlo chú guirá soldad ni ma goity ni dxee ca la? Nacyibu asirios. Jehová bixel ángel xtuny, né ló tipgueʼelsi bigaitybu 185,000 soldad asirios. Por ngú, ni rony mandary Asiria rabiguet lidx.

Gobierno xtuny chop family xiroʼ de Israel ralaa, né gudx rioʼ goxt por guxeesi dzú. Per órni ma goity Ezequías, Manasés xiimbu radxiin rony mandary. Buñguieeu reʼ ni laa Manasés né xiimbu Amón ni buny mandary después diti natzaay xcalrrienyibu par gony mandary. Por ngú Gudxlio radza de pór cós mal né diti goyoʼ galronladx. Órni Amón buñguieeu ni rony mandary ragaity tipnés xomósbu láabu, ni rian xalagarybu par gony mandary chop family xiroʼ de Israel, ngú xiimbu Josías.

2 Reyes 18:1-36; 19:1-37; 21:1-25.