Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 61

David rony mandary

David rony mandary

SAÚL nainy guinásbu David stoib buelt. Rinébu 3,000 soldad ni nantzaay riée ló guerr par guiyopyibu David. Órni David radxiin ran xi cayony Saúl, raxelbu buñ tze tzaláach pu lagary dxee Saúl né guirá soldad goxin cú. Ór cú David ranabdiitz chop soldad ni noʼ né láabu: ¿Chú lóoto ná gony compañer naʼ ro dxee Saúl né guirá soldad?

Naʼ tzaaya, racapy Abisai. Abisai láabu ngú xiin zeruyá, bisan David. Laʼga Saúl né guirá buñguieeu ni noʼ né láabu dxee natiasy, David né Abisai rioʼ nagach lagary ro natiasyibu. Racaʼyibu lanza né toib ruʼ ni noʼ nís lainy ni raquiin Saúl, ni náaxh niis cué guic Saúl. Ni toibyibu raduidy cuent pu ór rioʼyibu, portín guiráyibu natiasy.

Nigoreʼ bibiʼ David né Abisai. Ma bixonyibu né noyibu laidy toib dainy lainy guiʼix. David racaʼbu rudx a buñguieeu ni rasanir ló guirá soldad ni nap Saúl: Abner, ¿xigony diti cayaanlo xpixuanlo, ni rony mandary lóoto? ¡Bibiʼ! ¿Pu noʼ xilanzbu né ruʼ ro ragoʼbu nís?

Saúl rareʼ bacaʼal lóo. Rimbubu xtiitz David, né ranabdiitzbu: David, ¿looy nga la? ¿Labúu rabilo Saúl né Abner ni noʼ lainy guet dibuj ca la?

David racapy: Scú láani looy ni rony mandary, reʼ noʼya. Né David ranabdiitz: ¿Xigony cayopylo mod par guináslo naʼ? ¿Noʼ cós mal ni buni la? Saúl looy ni rony mandary, reʼ noʼ xilanzlo. Bixel ni guieed guityopy láani ronoʼya.

Diti láani ngú ni buni, ná Saúl. Diti goyoʼ xcalrriena, cuenunysi buni. Ór cú David ralsit, né Saúl rabiguet lidx. Per David raniʼ lainy xcalnabany: Toibtica dzú Saúl sagaity naʼ. Non guixony né tzaaya xcudx filisteos. Né ngú rony David. Raguitkelbu filisteos, né ronybu sani ma gócbu toibsi né guirá filisteos cú.

Diti xidzú filisteos rieyibu racalóyibu Israel. Saúl né Jonatán raityibu órni cacalóyibu filisteos, né láani rony que David rioʼgolú nabann, né racaʼbu toib cántico móz, né roʼolbu láani modreʼ: Rasac nabana por looy buchi, Jonatán. ¡Balaati binladxi looy!

David rabiguet Israel, lainy gudx ni laa Hebrón. Órni radxinbu buñguieeu rasaló radíil, portín tipnés ná que Is-bóset, xiin Saúl, gony mandary. Né stipnésyibu ná que David gony mandary layibu. Radxiin midid buñguieeu ni noʼ né David ronyibu gann. Órni David rasaló rony mandary napbu 30 íz. Por gatz íz gorol rony mandarybu gudx ni laa Hebrón. Tipnés xiin David ni rál lagary reʼ laayibu, Amnón, Absalón né Adonías.

Radxiin dzú David né guirá buñguieeu ni noʼ né láabu rioʼyibu racaʼyibu gudx móz ni laa Jerusalén. Joab, stoib xiin Zeruyá, bisan David, rasanir lóoyibu ló guerr. Por ngú David rabú Joab par guisanir ló xidalguixo soldad. Nigoreʼ David rasaló rony mandary gudx Jerusalén.

1 Samuel 26:1-25; 27:1-7; 31:1-6; 2 Samuel 1:26; 3:1-21; 5:1-10; 1 Crónicas 11:1-9.

PAR GANNLO MÁS

David gop balory

Bíil historia ni sieed ló la Biblia né bisuidy ximod David gop balory.

Israel ranab toib rey

Órni israelitas gonabyibu toib rey Jehová golú a Saúl par gony mandary layibu. ¿Xigony goniiny Dios ñony mandary David xalagary Saúl?