Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 57

Dios golú David

Dios golú David

¿LABÚU rabilo xí góc reʼ la? Mbioxien reʼ ma bilaabu xilieen de toib ós. Per ós reʼ gonásmu xilieen reʼ par guámu né mbioxien reʼ cuanal ós né bilaabu xilieen reʼ de roʼ ós cú. ¡Né órni ós reʼ biás, mbioxien reʼ goleʼ herid né bigaity láamu! Stoib ór mbioxien reʼ láaca bilaabu toib xilieen de toib betz ons. Guirá ni buny mbioxien reʼ raduidyni diitz que napbu balory. ¿Nanlo chú ngú mbioxien reʼ la?

Láabu ngú David né rabésbu lainy gudx Belén. Bixiogolbu góc Obed, xiin Rut né Boaz. ¿Rasetnaladxlo layibu la? Né bixios David ngú Jesé. David ran xiil xtuny bixios. David gool chii íz después ni Jehová golú Saúl par gony mandary.

Radxiin dzú Jehová raiby Samuel: Cuaʼ aceity ni ralaxiin né goyee lidx Jesé ni rian lainy gudx Belén. Ma golúya toibtica xiingaʼnbu par gony mandary. Órni Samuel rienlóo Eliab, xiin lagol Jesé, raibybu láacabu: Ndeʼ láabu. Per Jehová raiby láabu: Diti guibilo por ni nasoʼbu né ni buñguieeu móz nacbu. Diti golúya láabu par gony mandary.

Ór cú Jesé racaʼ rudx xiingaʼn ni laa Abinadab né rinébu ndeʼ nisló Samuel. Per Samuel ná: Yaca, Jehová láaca diti golú láabu. Después, Jesé ritné xiingaʼnbu ni laa Samah nisló Samuel. Yaca, Jehová láaca diti golú láabu, ná Samuel. Jesé ritné gatz xiin nisló Samuel, per Jehová diti rabú ni toibyibu. Samuel ranabdiitz: ¿Guirá ndeʼ xiinlo la?

Jesé racapy: Rian ni más mbioxhlasien. Yadibu, cayambu xiil. Órni ritnéyibu David, Samuel labúu rabí que toib mbioxhlas móz nacbu. Ndeʼ láabu, ná Jehová. Bigotz aceity guicbu. Samuel rony mod ná Jehová. Radudy dzú, David radxiin rony mandary lainy Israel.

1 Samuel 17:34, 35; 16:1-13.