Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 62

Rioʼ galnagan lidx David

Rioʼ galnagan lidx David

ÓRNI David ma cayony mandary gudx Jerusalén, Jehová racné guirá soldadbu par gony gann xidal guerr. Jehová biduidy xtiitz a Israel que gac xtunyibu gudx Canaán. Nigoreʼ Jehová racné layibu par guicaʼyibu guidopynac gudx Canaán, xomod goníbu.

David natzaay xcalrriembu par gony mandary. Láabu nadxibu Jehová. Por ngú, órni rioʼyibu racaʼyibu gudx Jerusalén ni nirdiguié ronybu, rinébu caj ni rasetnaladx acuerdo ni buny Jehová né Israel lainy gudx Jerusalén. Raniiny láabu guisaʼbu toib yoʼ xiroʼ par gac adorar Jehová ro coʼbu caj reʼ.

Órni radudy tipnés íz, David riab ló toib galkié rodann. Láabu nambu que mal guicaʼno ni nac xtuny stoib buñ. Per toib godzu, órni noʼbu guic yoʼ ro rony mandarybu, desde ro sagaʼbu rabíbu toib buñgonaʼ móz. Láabu laa Bat-seba, né tzeelbu toib soldad xtuny David, ni laa Urías.

David raniinygolu tzonébu Bat-seba né raxelcaʼbu gonaʼ reʼ guieed lagary ro rony mandarybu. Tzeʼel Bat-seba noʼ sit ló guerr. Órni David ratné Bat-seba diti xidzú ranbu que Bat-seba nacxiin. David rioʼ ló xcalrasaʼni por ngú ronybu que Joab ni rasanir ló xidalguixo soldad guisagaʼ Urías nisló ro más nadip noʼ guerr par gaity Urías. Né órni Urías raity, Bat-seba radxiin rac tzeʼel David.

Jehová radzuitznébu David. Raxelbu Natán ni rony xchiimbu par coʼ David ló razón por guirá galkié ni bunybu. ¿Labúu rabilo Natán né David ló dibuj ca la? David rasacbu mal por ni bunybu, né Jehová diti ragaity láabu. Natán raiby láabu: Por ni bunyloʼ cós mal reʼ, sioʼ xidal galnagan lidxlo. Scú gocni, ¡Nigolú rioʼbu ló galnagan!

Nirdiguié galnagan ni gopbu, xiin Bat-seba goity. Ór cú xiin lagol David ni laa Amnón ranás lafuers bisanbu, Tamar, par gatné láabu. Órni Absalón stoib xiin David gon ndeʼ bidzuitzgulu né bigaitybu Amnón. Diti xidzú, Absalón rayopy mod par xidal buñ cobioo láabu né ronybu que buñ guiloyña láabu par gony mandarybu. Radxiin midid Absalón raity, né David rony gann guerr. Scú láani, David rioʼbu ló xidal galnagan.

Órni cadudybu ló guirá ndeʼ, Bat-seba rioʼ toib xiimbu ni laa Salomón. Órni ma buñgol David né ma caxoʼbu, xiimbu Adonías rony por guidxin gac ni gony mandary. Ór cú David rony que toib buñguieeu ni rasanir lainy gudx Israel ni laa Sadoc guigotz aceity guic Salomón par guislooy que Salomón ngú ni non gony mandary. Diti xidzú, órni David nap 70 íz raity. Láabu buny mandarybu 40 íz. Nigoreʼ Salomón cayony mandary.

2 Samuel 11:1-27; 12:1-18; 1 Reyes 1:1-48.