Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

MIDID 4

Primer ni buny mandary Israel hasta órni séeyibu gudx Babilonia

Primer ni buny mandary Israel hasta órni séeyibu gudx Babilonia

Saúl góc primer buñguieeu ni gosaló buny mandary Israel. Per Jehová goleʼ Saúl tiplad, né golúbu a David par gony mandary xalagarybu. Guisuidyno xidal cós ni buny David. Dzú nacbu mbioxhlasien, cualóbu buñguieeu ni nigolú nasoʼ ni góc laa Goliat. Diti xidzú de goló góc ndeʼ, David bixony de Saúl ni bianladx láabu. Ór cú buñgonaʼ móz ni góc laa Abigail bicaa lóbu de ñonybu toib cós ngaʼal.

Láaca guisuidyno de xidal cós ni buny Salomón, xiin David, ni buny mandary Israel xalagarybu. Primer tzón buñguieeu ni buny mandary Israel, cada toibyibu buny láani por 40 íz. Órni goity Salomón, gudxrop de Israel bidzoni en chop gobierno, toibni góc de chop family xiroʼ né stoibni góc de chii family xiroʼ.

Gobierno de chii family xiroʼ buny mandary por 257 íz né ór cú binitló buñ asirios gobierno reʼ. Godudy 133 íz láaca binitló gobierno de chop family xiroʼ. Nigoreʼ goyoʼ ni biné a israelitas xomod buñ ni sée press Babilonia. Pal ragabno guirá íz reʼ Midid TAP rasaʼni 510 íz de historia, né ló guirá íz reʼ radudy xidal cós ni sioladxno guisuidyno.

 

LÓ MIDID REʼ

HISTORIA 56

Saúl ni primer buny mandary Israel

Dios primer golú a Saúl par gonybu mandary per después Jehová bilit láabu ló galmandary cú. ¿Noʼ ni rasuidyno mod bunybu la?

HISTORIA 57

Dios golú David

¿Xí láani rabiʼ Dios nap David ni Samuel diti labúu rabiʼ?

HISTORIA 58

David né Goliat

David diti bunybu gan a Goliat por ni biquiimbu toib honda xalagary ngú goyoʼ toib ni más nadip ni gocné láabu.

HISTORIA 59

Xigony raxony David

Primer, Saúl bibaladxbu por ni buny David, per después gosaló bidzuitzbu David, ¿xigony?

HISTORIA 60

Abigail né David

Abigail goniʼ que tzeelbu Nabal nac toib buñ ngaʼal, ná scú láabu ronybu por guilaabu tzeelbu ná por chop tzónsi dzú.

HISTORIA 61

David rony mandary

David raslooy que noʼbu puext par gony mandarybu gudx Israel, raslooybu láani por ni ronybu né por ni diti ronybu.

HISTORIA 62

Rioʼ galnagan lidx David

David rony toib galkié rodann né por ngú radudybu ló galnagan por xidal íz toibsi né xfamilbu.

HISTORIA 63

Salomón buñnan ni rony mandary

¿Nigolúpa nachocbu galaʼ badaʼ reʼ la?

HISTORIA 64

Salomón rasaʼ yoʼ xiroʼ

Salomón gop xiroʼgolu galnann ná scú goyoʼ ni bikíil láabu ñonybu cós mal.

HISTORIA 65

Gobierno radzoni

Órni Jeroboán rasaló rony mandary ni maca ronybu que guirá buñ guisian de gony adorar a Jehová.

HISTORIA 66

Jezabel gonaʼ mal ni rony mandary

Órni Jezabel rasobladx toib cós, diti noʼ ni racaa láabu par guicaʼbu láani.

HISTORIA 67

Jehosafat nap confianz lóo Jehová

¿Xigony goyné Jehosafat buñ ni roʼol cántico ló guerr xalagary ninébu soldad né guip?

HISTORIA 68

Chop mbioxien rabany stoib

Toib buñ ni ma goity, ¿labúu sabanybu stoib la? ¿Ma gocni toibtica buelt la?

HISTORIA 69

Mbioxgonaʼyen racné buñxirop

Mbioxgonaʼyen reʼ gop balory goniʼ né por ni bunybu ngú, góc toib galrradziguiaʼ.

HISTORIA 70

Jonás né beel xirop

Jonás bisuidy que non guisobbu ni ná Jehová.

HISTORIA 71

Dios raniʼ guiduidy Gudxlio móz

Lagary móz ni goyoʼ nírcu gocni toib lagary mitien; per ló dzú ni sietra guidopynac ló Gudxlio sácni mózdiguieʼ xomod nírcu.

HISTORIA 72

Dios racné Ezequías

Ló toibsi gueʼel toib ángel ragaity 185.000 soldad asirios.

HISTORIA 73

Último ni rony mandary tzaay Israel

Mbioxhlasa nac Josías órni bunybu toib cós ni biquiin balory.

HISTORIA 74

Toib buñguieeu ni diti radzuiby

Dios biliña a Jeremías par gacbu toib profeta, ná Jeremías buny pensary que diti labúu sonybu láani portín mbioxsa láabu.

HISTORIA 75

Tap mbioxhlasien gudx Babilonia

Galán goyeeni layibu ná goyoʼyibu sit de xfamilyibu.

HISTORIA 76

Jerusalén ranitló

¿Xigony biduidy Dios lagary que xi enemig gudx Israel nanitlóyibu Jerusalén?