Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 37

Toib yoʼ ro rac adorar

Toib yoʼ ro rac adorar

¿NANLO xí láani yoʼ reʼ la? Láani toib yoʼ nosi par gac adorar Jehová. Laani yoʼ ro rac adorar Jehová. Gudx Israel ló toib íz bisloʼox bisaʼyibu láani de goló bireʼyibu Egipto. ¿Nanlo chú láabu goní nasaʼyibu yoʼ reʼ la?

Jehová ngú ni goní que nasaʼyibu láani. Laʼga Moisés noʼ guic dainy ni laa Sinaí, Jehová góoch láabu ximod nasaʼbu láani. Jehová goní que nasaʼbu láani de toib mod que labúu nachiilyibu láani naguel. Modreʼ labúu ninéyibu láani stoib lagary, né labúu ñonytzaayibu láani stoib buelt lagary ro nadxínyibu. Por ngú, órni israelitas rieyibu stoib lagary ló yoovich, rinéyibu yoʼ reʼ toibsi né layibu.

Pal rabilo cuart mitien ni caa cué yoʼ, lainyni noʼ toib caj. Caj reʼ laani, caj ni rasetnaladx acuerdo ni buny Jehová né Israel. Láani gopni chop ángeles o querubines de or cada lad. Dios bicaʼ stoib buelt Chii Diitz ló chop guieetabla, portín Moisés bixoʼoxbu guieetabla ni Jehová biduidy láabu nirdiguié. Né guieetabla reʼ goyoʼtzaayni lainy caj ni rasetnaladx acuerdo ni buny Jehová né Israel. Láaca goyoʼtzaay toib ruʼ ni bidza maná lainyni. ¿Rasetnaladxlo xí ngú maná la?

Jehová golúbu a Aarón buch Moisés par guisanir nisló israelitas, par gony adoraryibu Jehová. Né guirá xiin Aarón láaca gocné láabu ló dxiin ni cuaʼbu.

Nigoreʼ bibiʼ cuart ni más xiroʼ ni nap yoʼ ro rac adorar Jehová. Chop midid de cuart mitien reʼ láani. ¿Rabilo cajien ni noʼ ló dibuj ro careʼ goʼox la? Lagary reʼ rioʼ ni rasanir nisló israelitas par gony goʼox, láani ngú toib cós ni ralaxiin. Láaca bibiʼ candeler ni nap gatz lámparas. Ni rion ni noʼ lainy cuart láani toib mexh, né loni dxee doce páa.

Ló láachluʼ noʼ toib cós xiroʼ ni bidza nís ro raquiin ni rasanir nisló israelitas par raguipyibu ñayibu né ñeʼyibu. Láaca noʼ toib lagary xiroʼ, ro rasaʼijyibu nimal par guiscadyibu láamu Jehová. Yoʼ ro rac adorar Jehová noʼni galay, né rolooni rabés guirá israelitas lainy yoʼ lairy.

Éxodo 25:8-40; 26:1-37; 27:1-8; 28:1; 30:1-10, 17-21; 34:1, 2; Hebreos 9:1-5.