Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 42

Toib bor ni raniʼ

Toib bor ni raniʼ

¿MA BICADIAGLO toibtica buelt de toib bor ni raniʼ la? Sigory ndeʼ noʼ ló xpensarylo: Yaca, nimal diti raniʼ. Per la Biblia ná que toib bor goní. Guibino ximod góc ndeʼ.

Israelitas ma noyibu puext par tzóyibu lainy gudx Canaán. Balac, toib buñguieeu ni rony mandary gudx Moab, radzuibybu israelitas. Por ngú, raxelcaʼbu toib buñguieeu ni naní xcalrrien ni laa Balaam par guieed ronoʼbu né guiniʼ mal de guirá israelitas. Balac, raduidybu xtiitzbu guiduidybu xiroʼ bidxiich a Balaam, por ngú Balaam rabuby xpor né ranás néz riée ronoʼ Balac.

Jehová diti nainy láabu que Balaam guiniʼ mal de Xcudxbu. Por ngú, raxelbu toib ángel né toib espad sioʼol par guisagaʼ ló néz par guicaabu Balaam. Balaam diti labúu rienlóo ángel ni sagaʼ ló néz, per xporbu labúu rabí ángel ni bixel Jehová. Bor reʼ bunymu par narecueʼmu ló néz ro sagaʼ ángel, né órni ma diti radzelmu xi gonymu ratmu ló néz. Balaam nigolú radzuitz, né ragasyacbu xporbu.

Ór cú Jehová rony que Balaam rien ni raniʼ xpor. Xpor Balaam ranabdiitz: ¿Xí buni looy par gonynalo naʼ?

Balaam raiby a xpor: Xtol lo ralooypani toib buñ ngaʼal naʼ, ¡pal naʼ ñapa toib espad nigoreʼ nagati looy!

Bor ranabdiitz láabu: ¿Ma buni looy scá toibtica buelt la?

Yaca, cuapy Balaam.

Ór cú Jehová raduidy lagary que Balaam guibí ángel ni sagaʼ ló néz né caʼ ladxña toib espad. Ángel reʼ ranabdiitz láabu: ¿Xigony bigasyaclo xporlo? Bieela bicaaya lólo par diti tzélo guinilo mal de Israel. Pal xporlo diti nabecueʼ looy ló néz ro sagaʼya naʼ nagati looy, per diti noʼ xi ñoni láamu.

Balaam ná: Bichéya. Diti góna pal sagaʼlo ló néz. Ángel reʼ raduidy lagary tze Balaam, né Balaam ranás néz riée riguen Balac. Láabu ronybu por guinibu mal de Israel, per Jehová rony que Balaam rasiab xilaaybu tzón buelt ronoʼ Israel.

Números 21:21-35; 22:1-40; 23:1-30; 24:1-25.