Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 54

Toib buñguieeu ni más nadip

Toib buñguieeu ni más nadip

¿NANLO ximod góc laa buñguieeu ni más nadip ni bibany la? Láabu ngú toib juez ni góc laa Sansón. Jehová ngú ni buny que ñacbu toib buñ nadip. Órni yása gálbu Jehová góoch a xinaʼbu: Mápa mer tzó toib xiinlo. Láabu ngú ni guisanir par guilaa a gudx Israel de guirá filisteo.

Filisteos nacyibu buñ mal ni rabés Canaán. Napyibu xidal soldad ni riée ló guerr, né layibu ronyibu mal israelitas. Toibtica buelt Sansón riée ro rabés filisteos, toib betz ons nigolú bief racaʼmu rudx né racaló láabu. Per Sansón ragaity betz reʼ nosi né ña. Láaca ragaitybu xidalguixo buñ filisteos ni nac buñ mal.

Ór cú Sansón rioladx toib gonaʼ ni laa Dalila. Buñguieeu ni rasanir nisló filisteos raduidyibu xtiitzyibu que cada toibbu guiduidy 1,100 nilas de plata a Dalila par guinibu xí láani rony nadip a Sansón. Dalila raniiny guicaʼbu bidxiich reʼ. Diti nacbu ximigdxin Sansón, ni de xcudx Dios. Por ngú láabu diti rasiambu de ranabdiitzbu Sansón xí láani rony nadip Sansón.

Radxiin midid Sansón raset né raibybu a Dalila xigony nga nigolú nadipbu. Diti ma bigaa guitzguica, ranibu. Desde dzú goola, Dios biloyña naʼ par goni xchiimbu né por ngú naʼ nac nazareo. Pal nagaayibu guitzguica, ma diti ñaca buñ nadip.

Órni Dalila racadiag ndeʼ, rastiasybu Sansón ló ñeʼbu. Ór cú ronybu que toib buñguieeu rioʼ né ragaa guitzguic Sansón. Órni Sansón rareʼ bacaʼal lóo, ma diti nadipbu. Filisteos rioʼ ronoʼbu né ranás láabu. Rabexcoo guiropca bisalóbu né ronyibu que Sansón tzó xan xomandaryibu.

Toibtica dzú filisteos napyibu toib lanii roʼ par gony adoraryibu dioxh ni laa Dagón, né rabeʼyibu Sansón press par guixiichyibu Sansón. Par ló dzureʼ guitzguic Sansón ma bigaʼ stoib. Sansón raibybu a mbiox ni canás ñabu: Biduidy lagary naʼ caana pilary ni nanás yoʼ xiroʼ reʼ. Ór cú Sansón ranabbu lóo Jehová par gony nadip láabu, ór cú ranásbu pilary cú. Né racaʼbu rudx: Biduidy lagary naʼ gati né filisteos. Noʼ 3,000 filisteos ló lanii ni cayac, né órni Sansón rachupiaʼ pilary ni nanás yoʼ xiroʼ reʼ, yoʼ xiroʼ reʼ riab layoo né ragaityni guirá buñ mal ni dxee cú.

Jueces, capítulos 13 a 16.