Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 45

Cadudyibu guʼuc Jordán

Cadudyibu guʼuc Jordán

¡BIBIʼ! ¡Israelitas cadudy guʼuc Jordán! Per ¿xigony guʼuc reʼ diti napni nís? Portín ló dzúcu timguié gocni, né guʼuc reʼ gopni siil nís órni yása guioʼyibu lainyni. ¡Per nigoreʼ ma yadi nís lainy guʼuc! ¡Né israelitas cadudy guʼuc Jordán ló yoo nabich xomod godudyibu nisdaʼ Xináa! Per ¿pu sée nís ni gop guʼuc reʼ? Guibino xí ni góc.

Órni bidxin dzú, par labúu nadudy israelitas guʼuc Jordán, ndeʼ góoch Jehová a Josué guiniʼ nisló gudx Israel: Ni rasanir nisló israelitas par gony goʼox ngú ni non goʼoy caj ni rasetnaladx acuerdo ni buny Jehová né Israel, né guisaniryibu nislóno. Órni layibu coʼyibu ñeʼyibu lainy nís guʼuc Jordán nís reʼ sabés saxonyni.

Ór cú ni rasanir nisló israelitas par gony goʼox ralísyibu caj ni rasetnaladx acuerdo ni buny Jehová né Israel, né rasaniryibu né caj reʼ nisló buñ. Órni radxiinyibu guʼuc Jordán rioʼyibu lainy nís. Guʼuc reʼ nadipni né guelni. ¡Órni ragoʼyibu ñeʼyibu lainy nís órcuca rasaló riaʼach loni! ¡Toib galrradziguiaʼ láani! Par guiaʼ ro sieed guʼuc, Jehová bicaa loni. ¡Guʼuc reʼ ma diti gopni nís!

Guirá ni rasanir nisló israelitas par gony goʼox noʼoy caj ni rasetnaladx acuerdo ni buny Jehová né Israel né radxiinyibu galay guʼuc ni nabich. ¿Labúu rabilo layibu ló dibuj reʼ la? ¡Laʼga noyibu cú, guirá israelitas rasaló radudyibu ló guʼuc nabich!

Órni ma bilox godudyibu guʼuc Jehová góoch a Josué gaibybu a doce buñguieeu ni nadip: Coltzé galay guʼuc ro sagaʼ guirá ni rasanir nisló israelitas par gony goʼox ni noʼoy caj ni rasetnaladx acuerdo ni buny Jehová né Israel. Colguitop doce guiee né guicuatzaayto láani ro guiráto tudyto gueʼel. Né scú ló dzú ni sietra órni xiinnto guinabdiitz xí raduidy diitz guiee ni dxee reʼ ór cú non guicapyto que nís guʼuc Jordán bibich órni godudy caj ni rasetnaladx acuerdo ni buny Jehová né Israel. ¡Guiee ni dxee reʼ gony que guisetnaladxto ni buny Jehová! Josué láaca ratopbu né racuatzaaybu doce guiee lainy guʼuc ro gosagaʼ guirá ni rasanir nisló israelitas par gony goʼox.

Órni ralox ronyibu guirá ndeʼ Josué raiby a guirá ni rasanir nisló israelitas par gony goʼox ni noʼoy caj ni rasetnaladx acuerdo ni buny Jehová né Israel: Colguireʼ lainy guʼuc Jordán. Órni ronyibu ndeʼ nís rasaló raxonyni stoib.

Josué 3:1-17; 4:1-18.