Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 15

Tzeʼel Lot bidxiguet lóo

Tzeʼel Lot bidxiguet lóo

LOT né xfamily golésyibu toibsi né Abrahán lainy gudx Canaán. Toib dzú Abrahán gochbu Lot: Yadi xiroʼ layoo par xinimalno. Ma diti guiguaʼno toibsi lagary. Pal looy tzélo lad reʼ naʼ tzaaya stiplad ruc.

Lot bibiʼ lagarycu. Bibiʼbu que xiroʼ lagary de gudxcú sacroyen nacní noʼ nís né noʼ guix par guá xinimalbu. Ndeʼ góc Roloo Jordán. Por ngú Lot biné xfamily né xinimal lagarycu né diti xidzú bisaʼbu lidxbu lainy gudx, Sodoma.

Buñ ni bibany Sodoma nigolú buñ mal gocyibu. Ndeʼ nigolú bitzuitzni Lot portín láabu buñtzay gócbu. Ndeʼ láaca bitzuitzni Dios. Por ngú Dios bixel chop ángeles par tzaguny abís Lot, que guinitlóbu Sodoma né toib gudx ni goyoʼ gahx ni góc laa Gomorra, portín buñ ni golés lainy gudxcú nigolú mal gocyibu.

Chop ángeles reʼ gochyibu Lot: ¡Naguelsi né biob! ¡Cuaʼ tzeʼel lo né guiropca xiindzaplo né bireʼ de lagary reʼ! Lot né xfamily cayaclayibu, por ngú chop ángeles reʼ godabioo ñayibu né goleʼ layibu lainy gudxcú. Ór cú toibtica ángeles goní: ¡Colguixony par guilaato! Diti guidxiguet lóto. Colguixony sit guiʼixlas par diti gaityto.

Lot né guiropca xiindzap bisobdiitzyibu né bireʼyibu de Sodoma. Diti golés bixonyibu ni tiprat, né diti bidxiguet lóoyibu. Per tzeʼel Lot diti bisobdiitz. Órni ma golsityibu, tzeʼel Lot gosagaʼ né bidxiguet lóo, órcuca tzeʼel Lot bidxin góc toib pilary de suudy. ¿Labúu rabilo láabu ló dibuj reʼ la?

De guirá ndeʼ noʼ ni rasuidyno: que Dios ralaa a ni rasobdiitz láabu, per ni diti rasobdiitz láabu raity.

Génesis 13:5-13; 18:20-33; 19:1-29; Lucas 17:28-32; 2 Pedro 2:6-8.