Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 11

Primer bip ni gonaa lóo

Primer bip ni gonaa lóo

¿NANLO xí ngú primer buny Noé né xfamily órni bireʼyibu lainy arca la? Láabu noʼ ni biscatbu Dios. Bibiʼ ni cayonybu ló dibuj ni sieed lainy guet reʼ. Noé biscat nimal par guixquixbu Dios por ni bilaa xfamilybu de toib guiérodann.

Looy xí ronylo crer, ¿bioladx Jehová ni Noé biscat láabu la? Nigolú bioladx Jehová ni Noé biscat láabu. Por ngú Dios gochbu Noé que ma diti sanitlóbu Gudxlio né toib guiérodann.

Diti xidzú bibich nís ló guidopynac Gudxlio, né Noé né xfamily gosaloyibu bunyibu dxiin dzú bireʼyibu lainy arca. Dios biduidy xilaay layibu, né gochbu a Noé né xfamily: Tzó xidal xiinnto né guidalto ló guidopynac Gudxlio.

Per más xidzú, órni buñ guicadiag de guiérodann cú sigory sadzuibyibu que gacni stoib buelt. Por ngú, Dios noʼ ni biduidy par guibí buñ né guisetnaladx ni Dios goní que ma diti guitnébu stoib guiérodann. ¿Nanlo xí biduidybu par labúu guisetnaladxno láani la? Láani ngú toib bip.

Xidal buelt bip reʼ rienlóno láani órni rarecaa lóo Govitz órni ma bilox biab toib guiéyen. Bip rienni de xidal color sacroyen. ¿Ma bibilo toib bip toibtica buelt la? ¿Rabilo bip ni caa ló dibuj reʼ la?

Ndeʼ ni Dios goní: Naʼ radudi xtiidza diti sanitlóya guirá buñ né nimal né toib guiérodann. Cayoni que bip tzóni ló xcaay né órni bip guiré loni ló xcaay, naʼ guisetnaladxi que goniya diti sanitlóya Gudxlio stoib né guiérodann.

Por ngú, órni guibilo toib bip, ¿xí guisetnaladxlo? Láani ni Dios goní, que láabu ma diti sanitlóbu Gudxlio né toib guiérodann.

Génesis 8:18-22; 9:9-17.