Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 29

Xigony bixony Moisés

Xigony bixony Moisés

BIBIʼ Moisés caxonybu de Egipto. ¿Labúu rabilo buñ ni canal láabu la? ¿Nanlo xigony nayibu guigaityibu Moisés la? Guibino guidoni pal labúu ganno láani.

Moisés gonísbu lidx Faraón ni rony mandary Egipto. Por ngú gócbu buñnan né buñxirop. Moisés gonbu que diti buñ egipcio láabu né que bixiosbu né xinaʼbu israelitas layibu né noyibu xan xomandary Faraón.

Órni Moisés bisaʼbu 40 íz, goloʼ guicbu tzáguenbu ximod noʼ buñ xcudxbu. Diti noyibu sacró portín egipcios nigolú cayonynaa layibu. Moisés bibiʼbu toib egipcio cayonynaa toib israelita ni noʼ xan xomandary Faraón. Moisés bibiʼ guirá lad, né gonbu diti noʼ chú cabí láabu bunynaabu né bigaitybu egipcio reʼ, né ór cú bicachlanbu gueʼet reʼ lainy yohx.

Stoib dzú Moisés goyee goyguen ximod dxee buñ xcudxbu. Biluladxbu que labúu ñacnébu buñ xcudxbu par diti ñoʼyibu xan xomandary Faraón. Per bibiʼbu chop israelita cacalsaʼ, né Moisés góoch a ni nap dool: ¿Xigony cayonynaalo buñ xcudxlo?

Buñguieeu reʼ goní: ¿Chú buny que looy gony mandarylo né gaiby lóodo xí ngú ni non gonydo? ¿Guigaitylo naʼ xomod bigaitylo toib egipcio cú neʼeg la?

Nigoreʼ Moisés bidzuiby né gonbu que noʼ buñ ni ma nann que bigaitybu egipcio cú. Órni Faraón gonbu ni buny Moisés, bixelbu buñ par guigaityibu Moisés. Por ngú Moisés bixony né bisiambu Egipto.

Órni Moisés bisiambu Egipto, sieebu sit, né bidxinbu gudx ni góc laa Madián. Lagarycu bimbubu Jetró né xfamily né bitzñabu né toibtica xiindzap Jetró ni góc laa Ziporá. Moisés bidxin gop xiil xtuny Jetró né bibanybu 40 íz gudx Madián. Par nigoreʼ ma napbu 80 íz. Goyoʼ toib dzú órni Moisés cayap guirá xiil xtuny Jetró gosaclobu toib cós ni radziguiaʼ buñ, né ndeʼ bitzá mod ni bibanybu. Bichiʼix guiich par ganno xi cós góc ndeʼ.

Éxodo 2:11-25; Hechos 7:22-29.