Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 27

Toib Faraón mal rony mandary Egipto

Toib Faraón mal rony mandary Egipto

GUIRÁ buñguieeu ni rabilo reʼ cayony lafuersbu buñ par gony dxiin. ¡Bibiʼ ni cagasguit a toib buñ ni cayony dxiin ló dibuj reʼ! Guirá ni cayony dxiinreʼ xfamily Jacob layibu né laayibu israelitas. Né ni cayony lafuers layibu par gonyibu dxiin, ngú egipcios. Israelitas ma noyibu xan xomandary buñreʼ. ¿Ximod gocni scú?

Por xidal íz guirá xfamily Jacob golésyibu goxtiguie lainy gudx Egipto. José bidxin góc buñxirop lainy gudx Egipto ni buny mandary rarop xalagary Faraón láabu gonbu a israelitas. Per bidxin dzú goity José. Lainy gudx Egipto gosaló buny mandary stoib Faraón ni diti binladx a israelitas.

Faraón buñ mal gócbu, golóbu xan xomandarybu a israelitas. Né bunybu que tipnés buñ ni diti nap galronladx né ni nigolú buñ mal góc, ñony lafuersyibu a israelitas par ñony dxiin nadip né ñonyibu más gudx par Faraón. Ná scú, layibu bidalyibu. Né más xidzú guirá egipcios bidzuibyibu que israelitas ñac toib gudx más xidal né nadip que layibu.

¿Nanlo xí buny Faraón la? Gochbu a guirá buñgonaʼ ni racné a israelitas par gál xiin: Naptó xí de guigaityto a guirá mbioxguieuyen ni gál. Per guirá buñgonaʼ tzaay reʼ diti bisobyibu Faraón. Diti bigaityibu guirá badaʼyen.

Por ngú, Faraón góoch a guirá buñ xcudxbu: Mbioxguieuyen israelitas colguigaity layibu. Nosi colguisian guibany pórsi mbioxgonaʼyen. Nigolú nadzuʼpy ni bunyibu. Guibino ximod bilaa toib mbioxguieuyen.

Éxodo 1:6-22.