Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 25

Family ni radxiin Egipto

Family ni radxiin Egipto

JOSÉ ma diti labúu rony guantary más, né raibybu guirá xomósbu guiré ronoʼbu. Órni ma noʼbu toibsi né buchyibu, José rasaló ribdxaʼ. Labúu gonyno xpensaryno ximod bidziguiaʼ guirá buchyibu, portín diti nanyibu xigony ribdxaʼ José. Nigoreʼ José raniʼ: Naʼ ngú José. ¿Nabanysa bixiosa la?

Guirá buchyibu radziguiaʼ láabu né diti radzel xi guiniʼyibu. Radzuibyibu. Per José ná: Ranába lóoto, goltaʼ colguibig ronoʼya. Órni ronyibu láani, ranibu: Naʼ nga buchto José, ni bitoʼto Egipto.

José raniʼ nadadiguieʼ né layibu: Diti guigotzto dool saato ni bitoʼto naʼ reʼ. Dios ngú ni bixel naʼ Egipto par guilaa buñ. Faraón buny que naʼ gony mandary guidopy gudx reʼ. Por ngú colguibiguet ni maca ronoʼ bixiosa né colgaiby láabu guirá ni ma bibiʼto. Né colgaiby láabu guieedbu cuésbu reʼ.

Ór cú José raguʼuch né raduidy bixit a guirá buch. Órni Faraón racadiag que guirá buch José bieed, raibybu José: Ca noʼ carret, biquiin láani par guitnélo bixioslo né xfamily par guidxinyibu reʼ. Guidudi layibu layoo ni más galán nap Egipto.

Ngú ni bunyibu. Reʼ labúu rabilo José caniʼ dioxh bixios órni bixiosbu bidxin Egipto né guirá xfamily.

Xfamily Jacob nigolú ma bidalyibu. Órni bidxinyibu Egipto nacyibu 70, Jacob né guirá xiin né xiac. Per né láaca bidxinébu guirá tzeelbu, né láaca guirá xomósbu. Guiráyibu gosaló golésyibu lainy gudx Egipto. Góc laayibu israelitas, portín Dios bitzá laa Jacob né goleʼ laabu Israel. Bidxin gocyibu toib gudx ni Dios gondxigolu, xomod guisuidyno ló historia ni sietra.

Génesis 45:1-28; 46:1-27.