Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 33

Cadudyibu nisdaʼ Xináa

Cadudyibu nisdaʼ Xináa

¡BIBIʼ xí ni cayac ló dibuj reʼ! Moisés ngú ni cascaʼ ña né toib yac ló nisdaʼ Xináa reʼ. Guirá israelitas ni dxee stiplad ni noʼ né Moisés ngú ni bilaa. Per Faraón né guirá soldadbu cayeʼyibu nís. Guibino ximod góc guirá ndeʼ.

Xomod ma bisuidyno, órni bilox chii plagas gudx Egipto, ór cú Faraón góoch a guirá israelitas que nareʼyibu lainy gudx Egipto. Bireʼ xidalguixo buñguieeu, 600,000 israelitas bireʼyibu, né láaca bireʼ buñgonaʼ né mbioxien. Né láaca bireʼ xidal buñ ni biluladx Jehová ni buny compañer a guirá israelitas. Guiráyibu órni bireʼyibu lainy gudx Egipto binéyibu xiil, chiv né guirá bisaʼ clas nimal ni gopyibu.

Dzú ni bireʼyibu lainy gudx Egipto gonabyibu lairy né cós ni goyaʼ de or, né plata. Né como guirá egipcios nigolú bidzuibyibu por última plaga ni cuaʼyibu, buny cuentyibu guirá ni gonab israelitas layibu.

Diti godudy xidal dzú guirá israelitas bidxinyibu roʼ nisdaʼ Xináa. Lagarycu layibu bisaladxyibu. Laʼga israelitas casaladxyibu roʼ nisdaʼ, Faraón né guirá buñ ni rony compañer láabu biduidyibu cuent que diti láani ngú ni bunyibu. Layibu goníyibu: Biduidyno lagary buñ ni noʼ xan xomandaryno sée.

Ór cú Faraón bitzá mod ni goníbu stoib. Órcuca Faraón goyoʼbu puext né xidalguixo soldadbu né láaca golóbu puext xcarretbu. Gosaló goynalyibu a guirá israelitas né 600 carret ni goyaʼtzaay nosi par tzanéyibu ló guerr, né láaca goynéyibu stipnés carret ni goyoʼ lainy gudx Egipto.

Órni guirá israelitas bibiʼyibu sieed Faraón né xidalguixo soldadbu, israelitas nigolú bidzuibyibu. Layibu biduidyibu cuent que diti noʼ pu lad guixonyibu. Portín biduidyibu cuent que bianyibu galay, tiplad goyoʼ nisdaʼ Xináa né stiplad sieed guirá egipcios. Per Jehová goloʼ toib xcaay. Por ngú egipcios diti labúu bienlóyibu a guirá israelitas né ma diti labúu cualóyibu gudx Israel.

Nigoreʼ Jehová gochbu a Moisés que nascaʼbu ñabu né xiacbu ló nisdaʼ Xináa. Órni Moisés buny ndeʼ, Jehová bunybu que ñetj toib buroʼdant niis ro ralainy Govitz. Né ór cú bixal galaʼ nisdaʼ né gocni xomod toib néz xilag par labúu nadudyibu.

Ór cú guirá israelitas gosaloyibu godudyibu galaʼ nisdaʼ reʼ por ló yoo nabich. Millón de israelitas né guirá xinimalyibu biquiinyibu xidal ór par labúu nadudyibu stiplad nisdaʼ. Órni bilox godudyibu, guirá egipcios ma labúu bibiʼ a guirá israelitas stoib buelt, né goyoʼyibu lainy nisdaʼ né cuanalyibu israelitas.

Órni bunyibu ndeʼ, Dios buny que xcarretyibu ñab xiruedni né ma diti labúu naxonyni. Egipcios nigolú bidzuibyibu né gosaló bicaʼyibu rudx: Jehová cayacné a guirá israelitas par guicaló lóono. ¡Guixonyno de reʼ! Per ma diti labúu bunyibu láani.

Ór cú Jehová gochbu Moisés que nascaʼbu xiacbu ló nisdaʼ Xináa, xomod ma bibilo ló dibuj. Nigoreʼ nisdaʼ reʼ gosaló biotzni a guirá egipcios né guirá xcarretyibu. Guiránacyibu goyoʼyibu lainy nisdaʼ, ¡ni toibguielotyibu bilaa!

¡Balaati bibaladx xcudx Dios por ni bilaayibu! Ór cú guirá buñguieeu bíilyibu toib cántico par biduidyibu guixquix a Jehová, né goníyibu: Jehová buny gann. Guirá nac xcarretyibu né xomainyibu bisal Jehová lainy nisdaʼ. Míriam, bisan Moisés goleʼ toib pandereta ndeʼ toib cós narik ni rasuch, ndeʼ biquiimbu par bíilbu toib cántico, né guirá buñgonaʼ láaca bunyibu scúca. Biyáyibu né bíilyibu cántico: Jehová buny gann. Bisalbu guirá mainy né guirá ni dxiip láamu lainy nisdaʼ.

Éxodo, capítulos 12 a 15.