Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 14

Dios ragoʼ prueby fe xtuny Abrahán

Dios ragoʼ prueby fe xtuny Abrahán

¿RIENLÓLO xí cayony Abrahán la? Caʼbu toib gudxil ñabu né ralooypani guigaitybu xiimbu. ¿Nanlo xigony la? Primer guibino ximod Abrahán né Sara labúu goyoʼ xiinyibu.

Bisednaladx, Dios góoch layibu que sioʼ toib xiinyibu. Per ndeʼ nagann gocni par layibu portín Abrahán né Sara ma buñgol nacyibu. Per Abrahán biluladxbu que Dios labúu rony cós que par lóono nagann. Por ngú, ¿xí láani góc?

Órni Dios goní guirá diitzreʼ godudy toib íz. Órni Abrahán bidxin ló 100 íz né Sara 90, gopyibu toib badaʼ ni góc laa Isaac. ¡Dios buny cumplir xtiitz, que ñoʼ toib xiinyibu!

Órni Isaac gonís né gop más íz, Jehová goloʼ prueby fe xtuny Abrahán. Bicaʼbu rudx: ¡Abrahán! Né Abrahán cuapy: ¡Reʼ noʼya! Ór cú Dios goní: Cuaʼ xiinlo toibguielot ni naplo, Isaac, né goyee dainy ni guilooya looy. Cú bigaity xiinlo né biscat láabu naʼ.

Abrahán nigolú nabann gosacbu portín gondxigolubu xiingaʼnbu. Per bisednaladx Dios goní que guirá xiin Abrahán nalésyibu lainy gudx Canaán. ¿Ximod ñac ndeʼ pal Isaac ñaity? Abrahán diti biembu xigony Dios buny ndeʼ, ná scú gocni láabu bisobdiitzbu Dios.

Órni bidxinbu dainy cú, Abrahán bilipbu né godiʼxbu Isaac ló toib lagary ni bunytzaaybu né guiee. Ór cú golébu gudxil par guigaitybu xiimbu. Órcuca ángel xtuny Dios bicarudx láabu: ¡Abrahán, Abrahán! Né Abrahán cuapy: ¡Reʼ noʼya!

Dios goní: Diti gonynalo xiingaʼnlo. Nigoreʼ ma naana que naplo fe naʼ, portín diti biaalo xiinlo toibguielot ni naplo par naduidylo láabu naʼ.

¡Nigolú xiroʼ fe gop Abrahán lóo Dios! Biluladxbu que diti noʼ cós nagann par Jehová, né que Jehová labúu salís Isaac lad buñ ni ma goity. Per Dios diti goniiny láabu nagaity Abrahán Isaac, bunybu que toib xilieen ñag lad toib bidzony gahxca ronoʼyibu né gochbu Abrahán que nagaitybu nimalien cú xalagary Isaac.

Génesis 21:1-7; 22:1-18.