Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 2

Toib lagary sacroyen

Toib lagary sacroyen

¡BIBIʼ lagary reʼ! ¡Balaati móz nacní! Bibiʼ guixbataʼ, guirá yac ni noʼ loni, guieʼ né guirá nimal. ¿Rabilo pu sagaʼ xol né pu náaxh betz ca la?

¿Ximod bidxin gocni toib lagary móz? Nigoreʼ guibino ximod Dios bunytzaay Gudxlio par lóono.

Nirdiguié ni bisaʼ Dios ngú góc guirá guixbataʼ, par ñatni guidopy ló Gudxlio. Láaca bisaʼbu guirá clas yacguiʼen né yacxirop. Guirá ndeʼ rony que Gudxlio guienni sacró. Per diti ngúsi, láaca xidalni raduidyni cuánnax naníx ni labúu guaano.

Diti xidzú bisaʼbu beel par naguaʼ lainy nís né guirá clas nimal ni rasapy lainy guibá. Bisaʼbu buʼk, míich, mainy, nimal xirop né nimal biox. ¿Xí nimal rimbulo? ¡Dios nigolú natzaaybu portín biduidybu guirá ndeʼ lóono!

Dios bunybu toib lagary ló Gudxlio nigolú móz. Dios goleʼ laa lagary reʼ Edén. Dios bisaʼ tzaay láani. Guidopy lagarycu nigolú móz gocni. Goniiny Dios que guidopynac ló Gudxlio nadxín ñac xomod lagary móz ni rabino reʼ.

Bibiʼ dibuj reʼ stoib buelt. ¿Nanlo xí ngú ni bibiʼ Dios ni riatz lainy lagary reʼ la? Guibino guidoni.

Génesis 1:11-25; 2:8, 9.