Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 3

Primer buñguieeu né primer buñgonaʼ

Primer buñguieeu né primer buñgonaʼ

¿XÍ NI rabilo ni ma bidzaʼ reʼ? Reʼ ma noʼ buñ. Ngú primer buñguieeu né primer buñgonaʼ. ¿Chú bisaʼ layibu? Dios. ¿Nanlo ximod laabu la? Laabu Jehová. Né buñguieeu né buñgonaʼ ni noʼ reʼ góc laayibu Adán né Eva.

Jehová Dios bisaʼbu Adán scareʼ: biquiimbu tidxo yoo par bisaʼ tzaaybu Adán né láabu bidxinbu gócbu toib buñ xomod lóono ni noʼ guic, ña né ñeʼ. Golóbu buu xeʼ Adán né Adán gosaló bibany.

Dios biduidy toib dxiin Adán. Goleschinbu Adán par nabeʼ laa guirá clas nimal. Par labúu nabeʼ Adán laa guirá nimal reʼ nír bimbutzaaybu ximod ronyimu. Órni Adán goleʼ laa guirá nimal reʼ, biduidybu cuent de toib cós. ¿Nanlo xí cós gocni la?

Guirá nimal xinéschop goyoʼ, goyoʼ xol ningol né xol nigonaʼ, betz ningol né betz gonaʼ. Adán diti goyoʼ xcompañerbu né nabann goyobu. Por ngú, Jehová buny que Adán nanaʼas toib bacaʼalnix láabu par labúu nabeʼbu toib dxit de xcoxtil Adán. Coxtil reʼ biquiin Jehová par bisaʼbu toib buñgonaʼ, né ndeʼ bidxin góc tzeʼel Adán.

¡Adán nigolú bibaladxbu! Eva láaca bibaladx ni bidxinbu lainy toib lagary móz ro guibanybu né ro labúu tzó xiinyibu né cuésyibu toibsi sacrodiguieʼ.

Jehová goniiny que Adán né Eva nabany tipzó. Goniiny Jehová ñonyibu que guidopynac Gudxlio ñac toib lagary sacroyen xomod Edén. ¡Adán né Eva nigolú bibaladxyibu que layibu gonybu que gacni scú! Pal nabanylo dzúcu, ¿ñoladxlo ñacnélo ñac Gudxlio reʼ toib lagary sacroyen la? Galrrabaladx ni gosacyibu diti goclani xidzú. Guibino xigony.

Salmo 83:18; Génesis 1:26-31; 2:7-25.