Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

MIDID 1

Rasaló riaʼ guirá cós hasta Guiérodann

Rasaló riaʼ guirá cós hasta Guiérodann

¿Ximod bidxin góc guibá né Gudxlio? ¿Ximod goyaʼ govitz, beʼo né vitzón né xidal cós ni noʼ ló Gudxlio? Biblia racapy tzaay órni raníni que Dios bisaʼ guiráni. Por ngú, libro reʼ rasaló né historias ni sieed ló Biblia ni raniʼ ximod bisaʼ Dios guirá ndeʼ.

Rasuidyno que ni Dios primer bisaʼ ngú buñ xomod láabu ni diti labúu rabino ni rabés lainy guibá. Gocyibu ángeles. Per Gudxlio reʼ Dios bisaʼ láani par buñgudxlio xomod lóono. Por ngú, Dios bisaʼ primer buñguieeu ni góc laa Adán né primer buñgonaʼ ni góc laa Eva né Dios goloʼ layibu lainy toib lagary sacroyen. Per layibu diti bisobbu Dios né bisnityibu de guibanyibu tipzó.

Dzú ni bisaʼ Dios Adán hasta dzú ni bieed guiérodann reʼ goduidy 1,656 íz. Dzúcu bibany xidal buñ mal. Ruc lainy guibá bibany buñ ni diti labúu rabino, layibu Buñdzab né ángeles ni góc toibsi ni buny pór cós mal. Ló Gudxlio reʼ bibany Caín, xidal buñ mal, né goyoʼ buñxiblo ni diti góc xomod lóono. Per láaca goyoʼ buñtzay ló Gudxlio. Xomod Abel, Enoc né Noé. Historias de Midid TOIB guisuidyno de guirá buñ reʼ né xí ni góc dzúcu.

 

LÓ MIDID REʼ

HISTORIA 1

Dios rasaló rasaʼ xidal cós

Historia ni rasetlaa ximod goyaʼ guirá cós nigolú sacróni né nayaditni par labúu guieen mbiox láani.

HISTORIA 2

Toib lagary sacroyen

Génesis rasetlaa que Dios bisaʼ toib lagary sacroyen ni góc laa Edén. Dios raniiny que guidopynac Gudxlio gacni mózdiguieʼ xomod góc Edén.

HISTORIA 3

Primer buñguieeu né primer buñgonaʼ

Ló libro de Génesis sieed historia xtuny Adán né Eva primer galtzeʼel ni goyoʼ ló Gudxlio.

HISTORIA 4

Ximod bisnityibu lidxyibu

Libro ni sieed ló la Biblia ni laa Génesis rasetlaa ximod binit Lagary móz ni goyoʼ nírcu.

HISTORIA 5

Rasaló galnagan

Órni Adán né Eva bireʼyibu lainy Lagary móz ni góc laa Edén cualóyibu xiroʼ galnagan. Pal nasobdiitzyibu Dios labúu nabanyibu goxtiguie né xiinyibu.

HISTORIA 6

Toib góc buñtzay né toib góc buñ mal

Historia xtuny Caín né Abel ni rasetlaa Génesis raslooyni lóono que labúu coʼnakitno xcalnabany Dios, né raibyni lóono que non guitzaʼno mod nacno antes de tzaguiabno ló toib cós mal.

HISTORIA 7

Toib buñguieeu ni gop balory

Balory ni gop Enoc raslooyni lóono que labúu gonyno cós tzaay ná buñ ni rabés ronoʼno diti rony láani.

HISTORIA 8

Nefilim ló Gudxlio

Ló capítulo 6 de Génesis rasetlaa que ló Gudxlio goyoʼ tipnés buñ nasoʼ ni góc laa Nefilim layibu bunynaayibu né bigaityibu buñ. Layibu gocyibu xiin tipnés ángeles ni bietj de guibá.

HISTORIA 9

Noé rasaʼ toib arca

Noé né xfamily bilaayibu órni góc Guiérodann portín bisobyibu Dios ná stipnés buñ diti bisob.

HISTORIA 10

Toib guiérodann

Buñ nigolú bixiichyibu Noé dzú ni goniʼbu que gac toib guiérodann. Per ma diti bixiichyibu órni góc guié. Gon ximod arca ni bunytzaay Noé bilaani láabu, xfamilbu né xidal nimal.