Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

Bíil guiráca 116 historia xtuny la Biblia. Nayaditni né sitnéni dibuj par guientzaay buñ láani.

Ro rasaló

Historia ni nigolú góc, guiráni sieedni ló la Biblia. Guirá Historia reʼ rasetlani ximod gosaló Dios bisaʼ guirá cós ni noʼ.

HISTORIA 1

Dios rasaló rasaʼ xidal cós

Historia ni rasetlaa ximod goyaʼ guirá cós nigolú sacróni né nayaditni par labúu guieen mbiox láani.

HISTORIA 2

Toib lagary sacroyen

Génesis rasetlaa que Dios bisaʼ toib lagary sacroyen ni góc laa Edén. Dios raniiny que guidopynac Gudxlio gacni mózdiguieʼ xomod góc Edén.

HISTORIA 3

Primer buñguieeu né primer buñgonaʼ

Ló libro de Génesis sieed historia xtuny Adán né Eva primer galtzeʼel ni goyoʼ ló Gudxlio.

HISTORIA 4

Ximod bisnityibu lidxyibu

Libro ni sieed ló la Biblia ni laa Génesis rasetlaa ximod binit Lagary móz ni goyoʼ nírcu.

HISTORIA 5

Rasaló galnagan

Órni Adán né Eva bireʼyibu lainy Lagary móz ni góc laa Edén cualóyibu xiroʼ galnagan. Pal nasobdiitzyibu Dios labúu nabanyibu goxtiguie né xiinyibu.

HISTORIA 6

Toib góc buñtzay né toib góc buñ mal

Historia xtuny Caín né Abel ni rasetlaa Génesis raslooyni lóono que labúu coʼnakitno xcalnabany Dios, né raibyni lóono que non guitzaʼno mod nacno antes de tzaguiabno ló toib cós mal.

HISTORIA 7

Toib buñguieeu ni gop balory

Balory ni gop Enoc raslooyni lóono que labúu gonyno cós tzaay ná buñ ni rabés ronoʼno diti rony láani.

HISTORIA 8

Nefilim ló Gudxlio

Ló capítulo 6 de Génesis rasetlaa que ló Gudxlio goyoʼ tipnés buñ nasoʼ ni góc laa Nefilim layibu bunynaayibu né bigaityibu buñ. Layibu gocyibu xiin tipnés ángeles ni bietj de guibá.

HISTORIA 9

Noé rasaʼ toib arca

Noé né xfamily bilaayibu órni góc Guiérodann portín bisobyibu Dios ná stipnés buñ diti bisob.

HISTORIA 10

Toib guiérodann

Buñ nigolú bixiichyibu Noé dzú ni goniʼbu que gac toib guiérodann. Per ma diti bixiichyibu órni góc guié. Gon ximod arca ni bunytzaay Noé bilaani láabu, xfamilbu né xidal nimal.

HISTORIA 11

Primer bip ni gonaa lóo

¿Xí láani guisetnaladxlo órni guibiʼlo toib bip lainy guibá?

HISTORIA 12

Buñ rasaʼ toib torre nasoʼ

Dios diti bioladx órni buñ bisaʼ toib torre nasoʼ por ngú bitzaʼbu xtiitz guirá buñreʼ por ngú ló naareʼ noʼ xidal diitz.

HISTORIA 13

Abrahán ximig Dios

¿Xigony gosaguel Abrahán nasian lidx par nabésbu lainy yoʼ lairy?

HISTORIA 14

Dios ragoʼ prueby fe xtuny Abrahán

¿Xigony gonab Dios a Abrahán que nagaitybu Isaac?

HISTORIA 15

Tzeʼel Lot bidxiguet lóo

¿Xí rasuidyni lóono?

HISTORIA 16

Toib gonaʼ tzaay ni guicaʼ Isaac

¿Xigony góc Rebeca toib galán buñgonaʼ par Isaac? ¿Por ni gócbu toib gonaʼ móz la? o ¿Xigony?

HISTORIA 17

Cuach ni diti góc toibsi clas

Isaac binladxbu más a Esaú per Rebeca binladxbu más a Jacob.

HISTORIA 18

Jacob riée Harán

Jacob rotzñabu primer né Lea ná ronladxbu más a Raquel.

HISTORIA 19

Xidal xiin Jacob

Tigaaga family xiroʼ bireʼ laayibu xomod góc laa 12 xiin Jacob.

HISTORIA 20

Dina riab ló galnagan

Gosaclobu ngú por ni diti golútzaybu ximigbu.

HISTORIA 21

Rianladxyibu José

¿Xigony tipnés buch José goniiny nagaity láabu?

HISTORIA 22

José noʼ press

Ragoʼyibu José press diti pór ni bunybu cós mal xalagary ngú pór ni bunybu cós tzaay.

HISTORIA 23

Xpacaʼal Faraón

Gatz vac né gatz doo ni bibiʼ Faraón ló xcaʼal, ¿noʼ ni raduidyni diitz la?

HISTORIA 24

José ragoʼ prueby buch

¿Ximod labúu ñan José pal guirá buchbu ma diti nac buñ mal xomod dzú ni bitoʼyibu José?

HISTORIA 25

Family ni radxiin Egipto

¿Xigony xfamily Jacob bireʼ laayibu israelitas né diti jacobitas?

HISTORIA 26

Job rony ni ná Dios

Job bisnit guiráxadit xcós, bixoʼbu né guirá xiimbu goity. ¿Dios bituidy láabu ló galrrioʼob la?

HISTORIA 27

Toib Faraón mal rony mandary Egipto

¿Xigony buny mandary Faraón que ñaity guirá xiin israelitas ni nac buñguieeu?

HISTORIA 28

Badaʼ ni laa Moisés ralaa

Xinaʼ Moisés biyopy mod par diti ñoʼ ni nagaity xiinienbu.

HISTORIA 29

Xigony bixony Moisés

Moisés buny pensary que ma noʼbu puext par nalaabu guirá israelitas órni gopbu 40 íz, per diti bidxin gocni scú.

HISTORIA 30

Yac gúch ni cacáa guii

Después ni Dios rony xidal galrradziguiaʼ raibybu Moisés que ma bidxin ór que cueʼbu gudx Israel de Egipto.

HISTORIA 31

Moisés né Aarón rieyibu nisló Faraón

¿Xigony diti ragoʼ Faraón cuent ni raiby Moisés láabu né diti raduidybu lagary tzee guirá israelitas?

HISTORIA 32

Chii plagas

Dios bixel chii plagas ronoʼ gudx Egipto portín Faraón diti biduidybu lagary que guirá israelitas nareʼ ñee.

HISTORIA 33

Cadudyibu nisdaʼ Xináa

Moisés raxal galaʼ nisdaʼ Xináa por xcalnadip Dios né guirá israelitas rasaló radudy ló yoovich.

HISTORIA 34

Toib galrro copy

Galrro naníx reʼ riabni de guibá.

HISTORIA 35

Jehová raduidy xiley

Lad Chii diitz ni biduidy Dios a Moisés noʼ chop ni más rasac, ¿xí ná chop diitzreʼ?

HISTORIA 36

Torien ni góc de or

¿Xigony israelitas gosaló buny adoraryibu toib dioxh de or ni láacayibu bisaʼyibu?

HISTORIA 37

Toib yoʼ ro rac adorar

Lainy cuart mitien goyoʼ caj ni bisetnaladx acuerdo ni buny Dios né Israel.

HISTORIA 38

Doce buñ ni riée raláach

Chii de layibu ná toib cós né chop de layibu raniʼ stoib cós. ¿Chú layibu raluladx israelitas?

HISTORIA 39

Xiac Aarón riaal guieʼ

Tlaʼ bar bich, ¿ximod labúu nareʼ guieʼ loni né naduidyni cuánnax guyaa ló toibsi gueʼel?

HISTORIA 40

Moisés raguin xiac ló guiee

Moisés rabeʼ nís laidy guiee, per láaca ratzuitzbu Jehová.

HISTORIA 41

Beʼel de cobre

¿Xigony bixel Dios tipnés beʼel ni rot né ragaity par ñotyimu a israelitas?

HISTORIA 42

Toib bor ni raniʼ

Xpor Balaam rabiʼ alga ni láabu diti labúu rabiʼbu.

HISTORIA 43

Josué buñguieeu ni rasanir

Ná nadipsa Moisés, ¿xigony rioʼ Josué xalagarybu par guisanir nisló israelitas?

HISTORIA 44

Rahab racachlan ni raláach

¿Ximod racné Rahab a chop buñguieeu né xí ranab Rahab layibu?

HISTORIA 45

Cadudyibu guʼuc Jordán

Órni sacerdotes raquiʼichñeʼ ló nís rac toib galrradziguiaʼ.

HISTORIA 46

Muros ni nap gudx Jericó

¿Toib doʼ labúu gonyni que diti guiab toib muro la?

HISTORIA 47

Toib gobáan gudx Israel

Toib buñguieeu, ¿láabu gonybu que guidopynac toib gudx tudy ló galnagan la?

HISTORIA 48

Gabaonitas naní xcalrrien

Ná buñ gabaonitas biscúyibu israelitas, Josué né guirá israelitas diti ragaity layibu.

HISTORIA 49

Govitz riaʼanni toibsi lagary

Jehová racnébu Josué né ronybu toib galrradziguiaʼ ni dipa ma goyoʼ dzú bunybu.

HISTORIA 50

Chop buñgonaʼ ni gop balory

Barac rasanir nisló soldad xtuny Israel, ¿xigony la Biblia rasetlaa que Jael ngú ni gocné ló galrradíil reʼ?

HISTORIA 51

Rut né Noemí

Rut rasian xcudx par gony compañerbu Noemí né gony adorarbu Jehová.

HISTORIA 52

Gedeón né 300 buñguieeu

Dios golú tipnéssi soldad par tzee guerr. Gon ximod bunybu láani.

HISTORIA 53

Jefté raduidy xtiitz

Xtiitz Jefté raguiñani dada xiindzapbu.

HISTORIA 54

Toib buñguieeu ni más nadip

¿Ximod gon Dalila xigony nigolú nadip Sansón?

HISTORIA 55

Toib mbiox rony xchiin Dios

Ná Samuel niyeʼensabu Dios raquiin láabu par gaibybu toib cós nadzuiby a Elí ni rasanir nisló israelitas par gony adoraryibu Dios.

HISTORIA 56

Saúl ni primer buny mandary Israel

Dios primer golú a Saúl par gonybu mandary per después Jehová bilit láabu ló galmandary cú. ¿Noʼ ni rasuidyno mod bunybu la?

HISTORIA 57

Dios golú David

¿Xí láani rabiʼ Dios nap David ni Samuel diti labúu rabiʼ?

HISTORIA 58

David né Goliat

David diti bunybu gan a Goliat por ni biquiimbu toib honda xalagary ngú goyoʼ toib ni más nadip ni gocné láabu.

HISTORIA 59

Xigony raxony David

Primer, Saúl bibaladxbu por ni buny David, per después gosaló bidzuitzbu David, ¿xigony?

HISTORIA 60

Abigail né David

Abigail goniʼ que tzeelbu Nabal nac toib buñ ngaʼal, ná scú láabu ronybu por guilaabu tzeelbu ná por chop tzónsi dzú.

HISTORIA 61

David rony mandary

David raslooy que noʼbu puext par gony mandarybu gudx Israel, raslooybu láani por ni ronybu né por ni diti ronybu.

HISTORIA 62

Rioʼ galnagan lidx David

David rony toib galkié rodann né por ngú radudybu ló galnagan por xidal íz toibsi né xfamilbu.

HISTORIA 63

Salomón buñnan ni rony mandary

¿Nigolúpa nachocbu galaʼ badaʼ reʼ la?

HISTORIA 64

Salomón rasaʼ yoʼ xiroʼ

Salomón gop xiroʼgolu galnann ná scú goyoʼ ni bikíil láabu ñonybu cós mal.

HISTORIA 65

Gobierno radzoni

Órni Jeroboán rasaló rony mandary ni maca ronybu que guirá buñ guisian de gony adorar a Jehová.

HISTORIA 66

Jezabel gonaʼ mal ni rony mandary

Órni Jezabel rasobladx toib cós, diti noʼ ni racaa láabu par guicaʼbu láani.

HISTORIA 67

Jehosafat nap confianz lóo Jehová

¿Xigony goyné Jehosafat buñ ni roʼol cántico ló guerr xalagary ninébu soldad né guip?

HISTORIA 68

Chop mbioxien rabany stoib

Toib buñ ni ma goity, ¿labúu sabanybu stoib la? ¿Ma gocni toibtica buelt la?

HISTORIA 69

Mbioxgonaʼyen racné buñxirop

Mbioxgonaʼyen reʼ gop balory goniʼ né por ni bunybu ngú, góc toib galrradziguiaʼ.

HISTORIA 70

Jonás né beel xirop

Jonás bisuidy que non guisobbu ni ná Jehová.

HISTORIA 71

Dios raniʼ guiduidy Gudxlio móz

Lagary móz ni goyoʼ nírcu gocni toib lagary mitien; per ló dzú ni sietra guidopynac ló Gudxlio sácni mózdiguieʼ xomod nírcu.

HISTORIA 72

Dios racné Ezequías

Ló toibsi gueʼel toib ángel ragaity 185.000 soldad asirios.

HISTORIA 73

Último ni rony mandary tzaay Israel

Mbioxhlasa nac Josías órni bunybu toib cós ni biquiin balory.

HISTORIA 74

Toib buñguieeu ni diti radzuiby

Dios biliña a Jeremías par gacbu toib profeta, ná Jeremías buny pensary que diti labúu sonybu láani portín mbioxsa láabu.

HISTORIA 75

Tap mbioxhlasien gudx Babilonia

Galán goyeeni layibu ná goyoʼyibu sit de xfamilyibu.

HISTORIA 76

Jerusalén ranitló

¿Xigony biduidy Dios lagary que xi enemig gudx Israel nanitlóyibu Jerusalén?

HISTORIA 77

Diti bixixipyibu

¿Xí salaa Dios tzón mbioxhlas reʼ lainy horno la?

HISTORIA 78

Diitz ni caa cué yoʼ

Profeta Daniel rabexa xi raduidy diitz letra ni racaa cué yo.

HISTORIA 79

Daniel lad betz ons

Góc mandary que ñaity Daniel, per, ¿noʼ ni labúu ñonybu par diti ñoʼbu lainy xcarió betz la?

HISTORIA 80

Israel careʼ Babilonia

Góc ni ná profecía que Ciro nanitlóbu Babilonia per nigoreʼ Ciro láaca cayonybu ni ná stoib profecía.

HISTORIA 81

Confianz que Jehová racné

Israelitas bisobdiitzyibu Dios diti a buñgudxlio. ¿Sacné Dios layibu la?

HISTORIA 82

Mardoqueo né Ester

Vasti gócbu toib gonaʼ móz ná scú, ¿xigony golú Asuero a Ester par ñoʼ xalagarybu?

HISTORIA 83

Muros ni nap Jerusalén

Israelitas ni casaʼ muros xtuny Jerusalén láaca caʼyibu espad xtunyibu rodzu né gueʼel.

HISTORIA 84

Toib ángel riguen María

Toib ángel raibybu María: «Saplo toib badaʼ né láabu sadxin sony mandarybu por tipzó».

HISTORIA 85

Jesús rál lainy xcorraa nimal

¿Xigony toib mbioxien ni guidxin gony mandary rál lainy xcorraa nimal?

HISTORIA 86

Racanalyibu toib vitzón

¿Chú láabu goyné guirá astrólogos ronoʼ Jesús? Sadziguiaʼlo órni ganlo chú buny láani.

HISTORIA 87

Jesús mbioxhlasien lainy yoʼ xiroʼ

Nidxiyen reʼ nangoluʼ por ngú guirá mextra ni noʼ lainy yoʼ xiroʼ nigolú radziguiaʼ láabu.

HISTORIA 88

Juan ragonis Jesús

Juan ragonis buñ galkié per Jesús diti nac buñ galkié. ¿Xigony golonis Juan láabu?

HISTORIA 89

Jesús rasiá yoʼ xiroʼ

Jesús diti rioladx mod rony buñ lainy yoʼ xiroʼ por ngú radzuitzbu.

HISTORIA 90

Né toib buñgonaʼ roʼ pós

Nís ni rasetlaa Jesús, ¿ximod sacnéni gonaʼ reʼ par ma diti guilaʼnbu nís después?

HISTORIA 91

Jesús rasuidy buñ laidy toib dainy

Discurs ni bituidy Jesús ni rimbuno xomod Sermón del Monte rasuidyni lóono xidal cós ni rasac.

HISTORIA 92

Jesús ralís gueʼet

Jesús golís xiindzap Jairo por xcalnadip Dios né chopsi diitz goniʼbu.

HISTORIA 93

Jesús rayaʼan xidalguixo buñ

¿Xí láani bislooy Jesús órni biyaʼanbu xidalguixo buñ?

HISTORIA 94

Randxiʼbu mbioxien

Jesús gochbu xpiimbu que non guisuʼyibu mbiox de nitisi íz.

HISTORIA 95

Ximod rasuidy Jesús

Órni Jesús bisuidy buñ guirá ór biquiimbu historia, toibtica de láani ngú historia xtuny samaritano.

HISTORIA 96

Jesús rasial buñguitz

¿Xigony buny Jesús xidal galrradziguiaʼ?

HISTORIA 97

Jesús rieed xomod ni rony Mandary

Xidalguixo buñ racacuent láabu per diti guirá buñ rabaladx órni radxinbu.

HISTORIA 98

Ló dainy Olivos

Jesús raibybu a tap de xpiimbu guirá cós ni cayac ló naareʼ.

HISTORIA 99

Lainy cuart ni sob guic yoʼ

¿Xigony ranab Jesús a xpiin que gonyibu lanii reʼ guirá íz?

HISTORIA 100

Jesús lainy lagary sacroyen

¿Xigony biduidy Judas toib bixit a Jesús?

HISTORIA 101

Ragaityibu Jesús

Órni Jesús cayaity cabany ló yac nadop, biduidybu xtiitzbu que sioʼ toib Lagary móz.

HISTORIA 102

Jesús nabany

Órni toib ángel rabeʼ toib guiee ni náaxh roʼ baʼ ro bigach Jesús, tipnés soldad ni cayap láabu radzuibygoluʼ né diti noʼ xi láabu ronyibu.

HISTORIA 103

Lainy cuart ni nayeg

¿Xigony guirá xpiin Jesús diti rimbu láabu órni riásbu lad guet?

HISTORIA 104

Jesús rabiguet guibá

Antes de nabiguet Jesús guibá, bixelbu xpiimbu gony alga.

HISTORIA 105

Riaʼanyibu lainy gudx Jerusalén

¿Xigony Jesús rasiabbu espíritu santo laidy xpiimbu ló Pentecostés?

HISTORIA 106

Rareʼyibu press

Guirá buñ ni rasanir ló religión judío rasiegyibu xpiin Jesús par ma diti saayibu yoʼ por yoʼ, ór cú Dios rony toib galrradziguiaʼ.

HISTORIA 107

Ragasguieeyibu Esteban

Esteban ranab lóo Dios laʼga buñ cagasguiee láabu.

HISTORIA 108

Ló néz ni sée Damasco

Toib guii ni rachep bisaló Saulo né toib rudx ni sieed de guibá ratzaʼ mod nabanybu.

HISTORIA 109

Pedro riguen Cornelio

¿Rabiʼ Dios que toib gudx más rasac que stipnés la?

HISTORIA 110

Timoteo ni racné Pablo

Timoteo rasiambu lidxbu né rony compañerbu a Pablo par guiniʼyibu xtiitz Dios.

HISTORIA 111

Toib mbiox ni gonás bacaʼal

Pablo goloʼ chop discurs ló primer discurs cú Eutico ranás bacaʼal láabu, per ló ni rarop discurs cú ma diti raisybu. Gueʼel cú góc toib galrradziguiaʼ.

HISTORIA 112

Ralaayibu ló toib isla

Órni bunyibu pensary que ma gaityibu, Pablo raiby layibu que diti guidzuibyibu portín goxin cú toib ángel xtuny Dios bieed ronoʼbu né góoch láabu que diti saityibu.

HISTORIA 113

Pablo lainy gudx Roma

¿Ximod labúu buny Pablo xchiin Dios laʼga goyoʼbu press?

HISTORIA 114

Dzú ni guilox guirá cós mal

Ló guerr ni laa Armagedón, ¿xigony raxel Dios a Jesús par guisanirbu ló xidalguixo ángeles?

HISTORIA 115

Gudxlio sac toib lagary móz

Nírcu buñ bibany ló toib lagary sacróyen né ló dzú ni sietra Gudxlio sadxin sácni scú stoib.

HISTORIA 116

Ximod guibanyno tipzó

¿Nosi raquiin ganno chú ngú Jehová né Jesús la? O ¿xí más raquiin gonyno?

Ni guinabdiitzno órni guisuidyno Xi libriya ni rasuidy historias xtuny la Biblia

Texto xtuny la Biblia né galrranabdiitz racnéni mbioxien guieen ni raniʼ tigaaga historia.