Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Xí ngú Gobierno xtuny Dios?

¿Xí ngú Gobierno xtuny Dios?

¿Naniʼlo que...

  • ... noʼni lainy xcalnabanyno la?

  • ... nigolúpa nacni toib gobierno la?

  • ... nacni toib gobierno ni noʼ guibá la?

 NI NÁ LA BIBLIA

«Dios ni noʼ guibá sagoʼbu toib Gobierno ni dipa sanitló.» (Daniel 2:44, Traducción del Nuevo Mundo, edición de 2013 en inglés.)

«Toib mbioxien ma cuaʼno; né galmandary sioʼni ladxñabu.» (Isaías 9:6.)

MOD RACNÉNI LOOY

  • Toib gobierno ni rony xinésni sacné looy (Isaías 48:17, 18).

  • Mápa mer gonyni que guibanylo ló Gudxlio móz ro diti sioʼ galguitz né ro tzoʼlo goxtiguie (Revelación 21:3, 4).

 ¿LABÚU GUILULADXNO NI RASUIDY LA BIBLIA LA?

Scú láani, nigoreʼ nosi guisetlano chop razón:

  • Jesús bislooy xí ni gony Gobierno xtuny Dios. Bisuidybu a guirá xpiimbu guinab guieed Gobierno xtuny Dios né gac ni ná Dios ló Gudxlio (Mateo 6:9, 10). Jesús láaca bislooy ximod gac ni láabu gonabbu.

    ¡Órni Jesús goyoʼ ló Gudxlio, biyaʼanbu buñ ni godudy ló galrralán, bisialbu buñguitz né golísbu gueʼet! (Mateo 15:29-38; Juan 11:38-44.) Por ni gonbu que láabu sacbu Rey, bislooybu xí cós sacroyen gony Gobierno reʼ por guirá buñ ni tzoʼ ló xomandarybu (Revelación 11:15).

  • Guirá cós ni cayac ló xtzúno raslooyni que Gobierno xtuny Dios ma noʼni gaxtiguié. Jesús goniʼ que antes de guieed Gobierno reʼ né gonyni que guiguaʼ buñ goxtiguie ló Gudxlio, sioʼgolu guerr, galrralán né xo rodann (Mateo 24:3, 7).

    Guirá cós reʼ ma cabiʼno láani ló naareʼ. Por ngú, raluladxno que Gobierno xtuny Dios mápa mer guinitló guirá galnagan ni cadudyno ló.

 GONABDIITZ NDEʼ LOOY

¿Ximod guiguaʼ buñ ló Xcalmandary Dios?

La Biblia racapy galrranabdiitz reʼ ló SALMO 37:29ISAÍAS 65:21-23.

PAR GANNLO MÁS

¿Xí nainy Dios gony né Gudxlio?

La Biblia rabexa xigony bisaʼ Dios Gudxlio, pu dzú guinitló galrrioop, né chú guibany ló Gudxlio móz ni guiedra.