Rabiguet

Goyee ro ná índice xtuny contenidos

 LESIONY 10

Biquiin xirudxlo galán

Biquiin xirudxlo galán

Proverbios 8:4, 7

NI RAQUIIN GONYLO: Bilit ló xirudxlo o goniʼ fuers, diti toibsi ton guiniʼlo né goniʼ tzagaa o más naguel par guienyibu né guioladxyibu ni caniʼlo.

XIMOD GONYLO LÁANI:

  • Bilit ló xirudxlo o goniʼ fuers. Goniʼ fuers par guiniʼlo diitz ni nainy looy guireʼ loguiaʼ né par guienyibu né guioladxyibu ni caniʼlo. Láaca ngúca buny órni goʼol lo de juicio xtuny Dios. Bilit ló xirudxlo par guislooylo que noʼ ni cayac o par guislooylo galnadzuʼpy o galrrasaʼ.

  • Diti toibsi ton guiniʼlo. Pal ló xtiitzlo labúu gacni scú, biquiin toib ton nalasien par guislooylo que noʼlo nakit, par guiniʼlo de toib cós xiroʼ o de toib lagary ni noʼ sit. Biquiin toib ton mas nadxoʼ par guislooylo galnabann o galrrasaʼ.

  • Goniʼ tzagaa o más naguel. Goniʼ más naguel órni cabaladxlo. Goniʼ más tzagaa órni caniʼlo toib punto ni más rasac.