Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 9

¿Ximod labúu guibanylo sacroyen né xfamilylo?

¿Ximod labúu guibanylo sacroyen né xfamilylo?

1. ¿Xigony ni gony buñ galtzeʼel rasacni par que toib family guiguaʼ goxt?

Diitz sacró sieetni de Jehová, Dios ni rabaladx, rioladxbu que family guibany sacroyen. (1 Timoteo 1:11) Dios gosaló galtzeʼel. Toib buñguieeu né toib buñgonaʼ non gonyibu galtzeʼel nisló buñchiin par labúu guisnísyibu sacró xiinyibu. Guirá ni racanal Jesús órni ma gonyibu galtzeʼel non cuéyibu xquiichyibu lóo buñchiin. Bíil Lucas 2:1, 4, 5.

¿Xí pensary nap Dios de galtzeʼel? Rioladxbu que buñguieeu né buñgonaʼ diti guisian saʼ. Jehová rioladx que buñguieeu né buñgonaʼ diti guiscú saʼ. (Hebreos 13:4) Láabu rianladxbu ni rabíl galtzeʼel. (Malaquías 2:16) Nosi raduidybu lagary que ni racanal Jesús guichiil xcaltzeel né guicá stoib buñ pal toibtica de layibu ma goyoné stoib buñ. Bíil Mateo 19:3-6, 9.

2. Buñguieeu né buñgonaʼ ni ma noʼ tzeʼel, ¿ximod cobioyibu saʼyibu?

Jehová bisaʼ buñguieeu né buñgonaʼ par guiropyibu labúu gacnéyibu saʼyibu. (Génesis 2:18) Buñguieeu ngú ni rasanir lainy toib family, por ngú láabu ganbu xfamilybu né guisuidybu ngú ni ná Dios. Né non gonybu rutirigaʼlni par gandxiʼbu tzeelbu. Buñ ni ma buny galtzeʼel non gandxiʼ né gony respetar saʼ. Guiropyibu nacyibu buñ galkié por ngú non guisuidyibu guituidyibu scásiʼ xcalkié saʼyibu, né ndeʼ nigolú rasac par labúu guibanyibu sacroyen. Bíil Efesios 4:31, 32; 5:22-25, 33; 1 Pedro 3:7.

3. ¿Guisianto tzeelto pal diti nonéto saʼto sacró la?

Órni cadudyto ló galnagan lainy xcaltzeelto, guiropcato guiyopyto mod cuéxato galnagan cú, né gandxiʼto saʼto.  (1 Corintios 13:4, 5) Xtiitz Dios diti rabyni buñ guisian saʼ par labúu guiréyibu ló nitisi galnagan ni rioʼ lainy toib galtzeʼel. Bíil 1 Corintios 7:10-13.

4. ¿Xí ranab Dios lóoto ni nacto mbiox?

Jehová raniiny que looy guibaladxlo. Láabu rasuidytzaybu looy par labúu guibaladxlo laʼga nacloʼ mbioxhlas. Raniiny láabu que looy guisuidylo xcalnan bixioslo né xinaʼlo portín nanyibu más que looy. (Colosenses 3:20) Jehová láaca náni láabu que guibaladxlo gonylo xchiin ni Bisaʼ looy né Xiimbu. Bíil Eclesiastés 11:9–12:1; Mateo 19:13-15; 21:15, 16.

5. Ni ma noʼ xiin, ¿xí labúu gonyibu par guibaladx xiinyibu?

Looy gonylo dxiin nadip par labúu guiyaʼanlo, guiduidyloʼ yoʼ ro cués né lairy par guac xiinlo. (1 Timoteo 5:8) Per diti ngúsi, par guibaladx xiinlo láaca non guisuidylo layibu gonladxyibu né guienyibu xí ranab Dios. (Efesios 6:4) Mod looy ronladxlo Dios labúu sadxinni lainy xcalnabany xiinlo par gonybu scúca. Órni looy rabeʼlo ló Xtiitz Dios ni rasuidylo xiinlo, láani labúu gacnéni né guitzáni mod nac xpensarybu. Bíil Deuteronomio 6:4-7; Proverbios 22:6.

Órni buñ raiby xiin que galán cayonybu láani, mbiox rasac sacró né rabaladx. Láaca raquiinyibu ni coʼ layibu ló néz. Né scú mbiox labúu guibaladx. (Proverbios 22:15) Por ngú ni ma noʼ xiin diti non gacyibu nigolú nachóng né gonynayibu xiinyibu. Bíil Colosenses 3:21.

Testigos xtuny Jehová rabeʼyibu xidal libros par gacnéni guirá ni ma noʼ xiin né mbiox. Guirá ni caa ló libros reʼ sieetni ló la Biblia. Bíil Salmo 19:7, 11.

 

PAR GANNLO MÁS

Gonab xcalrracné Dios par guibanylo goxt né tzeʼel lo

Chop galrranabdiitz reʼ sacnéni xcaltzeelo.

¿Ximod cuéxalo galnagan?

Mod ni lóoto guicalóto galnagan sonyni que xcaltzeelto gacni nadip, guibanyto goxt o tzoʼ galrradíil né sosinac guiguaʼto.

¿Ximod guibanylo né xhomilo sacrodiguieʼ?

Galnadxiʼ ni bislooy Jesús non guisuʼ buñguieeu né buñgonaʼ ni ma noʼ tzeʼel láani né buñ ni ma noʼ xiin né mbiox. ¿Ximod labúu guisuʼ buñ Jesús?