Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 8

¿Xigony raduidy Jehová lagary tzó cós mal né galrrioop?

¿Xigony raduidy Jehová lagary tzó cós mal né galrrioop?

1. ¿Ximod gosaló cós mal?

Dios caduidy lagary buñgudxlio gony mandary por xidal íz par guislooy que diti sabeʼyibu galnagan ni nap buñgudxlio

Cós mal gosaloni ló Gudxlio órni Buñdzab biscú primerdiguieʼ. Dzú Jehová bisaʼ láabu diti gopbu galkié, per «diti biaʼanbu ló xinésni.» (Juan 8:44) Buñdzab goniiny nasanadx buñ láabu ni nosi Jehová non guicaʼ. Biscúbu primer buñgonaʼ ni góc laa Eva, né bunybu gann que Eva nasobdiitz láabu xalagary Dios. Adán góc toibsi né Eva órni diti bisobyibu Dios. Por ni buny Adán godudybu ló xiroʼ galrrioop né goitybu. Bíil Génesis 3:1-6, 19.

Buñdzab buny que Eva diti nasobdiitzbu Jehová, modreʼ cualóbu Jehová, Dios ni noʼ Más Guiaʼ né biduidybu diitz que Jehová diti non gony Mandary guidopy Gudxlio. Xidalguixo buñ rac toibsi né Buñdzab né diti rioʼyibu xilad Dios. Scú láani, Buñdzab bidxin góc «ni rony mandary gudxliogox.» Bíil Juan 14:30; 1 Juan 5:19.

2. Ni Dios bisaʼ, ¿mal biréni la?

Guirá ni bisaʼ Dios bisaʼtzaybu láani. Buñgudxlio né ángeles Dios bisaʼtzay layibu par guisobyibu ni ná Dios. (Deuteronomio 32:4, 5) Dios bisaʼ lóono par stip lóono ganno xí ni non gonyno. Ni stip lóono ganno xí ni gonyno, modreʼ raduidyno diitz que nadxino Dios. Bíil Santiago 1:13-15; 1 Juan 5:3.

3. ¿Xigony caduidy Dios lagary tzó galrrioop dada ló xtzúno?

Jehová por tidxósi tiemp caduidybu lagary tzó ni guicaló xcalmandarybu. ¿Xigony cayonybu ndeʼ? Par guislooybu que ni toib Gobierno labúu gacné a buñ sin Dios gacné layibu. (Eclesiastés 7:29; 8:9) Ló xhoop mil íz de goló noʼ buñ ló Gudxlio raduidytzayni  diitz que diti labúu rony mandaryibu. Gobierno xtuny buñgudxlio ni noʼ digaldi cuéyibu guerr, cós yox, ni diti rac xinésni né galguitz. Bíil Jeremías 10:23; Romanos 9:17.

Gobierno xtuny Dios diti nacní xomod gobierno xtuny buñgudxlio portín racnéni a guirá buñ ni rioladx tzó ló xomandaryni. (Isaías 48:17, 18) Mápa mer, Jehová sanitló guirá gobierno ni noʼ. Nosi buñ ni guiyopy tzó ló xomandary Dios sabany ló Gudxlio.—Isaías 11:9. Bíil Daniel 2:44.

4. Xpaseinys Dios, ¿xí caduidyni lagary gonyno?

Nadip góc xtiitz Buñdzab que ni toib buñ sony ni ná Dios né guidopy galnabany. ¿Ñoladxlo naslooylo que ndeʼ diti nigolú la? ¡Looy labúu gonylo láani! Xpaseinys Dios caduidy lagary guislooyno stip lóono pal nóono xilad Gobierno ni napbu o pal xilad gobierno ni noʼ ló Gudxlio. Por mod ni nabanyno raduidyno diitz chú xilad nóono. Bíil Job 1:8-12; Proverbios 27:11.

5. ¿Ximod labúu guiduidyno diitz que nóono xilad Dios par gony Mandarybu lóono?

Mod ni gonyno sadudyni diitz pal nainy lóono que Dios gony mandary lóono

Pal lóono napnó religión ni rasuidy ni sieed ló xtiitz Dios, la Biblia, raduidyno diitz que nóono xilad Dios par gony Mandarybu lóono. (Juan 4:23) Labúu cuéno Buñdzab tiplad pal diti rioʼno lad partid né ló guerr xomod buny Jesús láani. Bíil Juan 17:14.

Buñdzab raquiin xcalnadip par gonyxiroʼ galyoxh né cós yox ni noʼ par gony mal buñ. Órni rabeʼno tiplad guirá cós mal reʼ, tipnés buñ ni nac ximigno né xfamilno labúu guicaló o gony borla lóono. (1 Pedro 4:3, 4) ¿Xí non gonyno nigoreʼ? ¿Guiyopyno pór buñ ni nadxi Dios par gac ximigno la? ¿Guisobno guirá xiley natzaay Dios la? Pal gonyno láani, guislooyno que Buñdzab nigolú rascú, órni goníbu que ni toib ni noʼ ló galnagan labúu sony ni ná Dios. Bíil 1 Corintios 6:9, 10; 15:33.

Galnadxi ni Dios nap por buñgudxlio raduidytzayni diitz que cós mal né galrrioop saloxni. Guirá buñ ni raslooy que raluladx que guirá cós reʼ sanitlóni, sabany tipzó ló Gudxlio. Bíil Juan 3:16.

 

PAR GANNLO MÁS

¿Xigony raduidy Jehová lagary tzó galrrioop?

Xidal buñ rony pensary que Dios nap dool de guirá cós mal ni noʼ ló Gudxlio. ¿Ximod ronylo pensary? Bisuidy xí razón raduidy Dios por ni noʼ galrrioʼob.