Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 1

¿Xí láani ngú diitz sacró?

¿Xí láani ngú diitz sacró?

1. ¿Xí láani ngú diitz sacró ni sieed de Dios?

Dios rioladx que guirá buñ guibany sacroyen ló Gudxlio. Láabu bisaʼbu Gudxlio né guiráxadit ni noʼ loni por nadxibu buñgudxlio. Dios mápa mer gony que ló dzú ni sietra buñ guiguaʼ sacroyen. Dios sabeʼ guirá galrrioop né guiráca ni rony láani. Bíil Jeremías 29:11.

Ni toib gobierno ma goleʼ cós mal, galguitz, né galgoity. Mápa mer Gobierno xtuny Dios sioʼ xalagary guirá gobierno ni cayony mandary ló naareʼ. Por ngú guirá buñ ni gac mandary por Gobierno xtuny Dios guiguaʼyibu goxtiguie né nasac, guirá ndeʼ nac diitz sacró. Bíil Isaías 25:8; 33:24; Daniel 2:44.

2. ¿Xigony raquiin ganno ni maca ni ná diitz sacró reʼ?

Ma diti sioʼ galrrioop órni Dios guinitló guirá buñ mal ló Gudxlio. (Sofonías 2:3) ¿Pu dzú ma gac guirá ndeʼ? Xtiitz Dios goní nírcu de guirá cós nadzuʼpy ni cadudy buñgudxlio ló. Guirá ni cadudyno ló, raduidy diitz que mápa mer cué Dios guirá ndeʼ. Bíil 2 Timoteo 3:1-5.

3. ¿Xí láani gonyno?

Labúu guisuidyno de Dios ló Xtiitzbu, la Biblia. Ndeʼ nac xomod toib guiich ni Bixiosno Dios raxel por nadxibu lóono. La Biblia raiby lóono ximod guiguaʼno sacroyen ló naareʼ né ximod labúu guibanyno tipzó sacroyen ló dzú ni sietra. Noʼ buñ ni diti sioladx tzó ni gacné looy guisuidylo ni ná la Biblia. Per Dios caduidy lagary lóono guibanyno sacró ló dzú ni sietra né tzóno puext guicaʼno láani. Bíil Proverbios 29:25; Revelación 14:6, 7.

PAR GANNLO MÁS

¿Xigony guisuidyno la Biblia?

La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?