Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 14

¿Xigony xcudx Dios rony dxiin toibsi?

¿Xigony xcudx Dios rony dxiin toibsi?

1. ¿Xigony buny Dios que gudx Israel ni goyoʼ nírcu buny dxiin toibsi?

Dios bitop guirá xiin Abrahán par ñony dxiin toibsi né gocyibu xidalguixo buñ, né Dios biduidy xiley layibu. Golébu laa gudx reʼ «Israel» né xcuentyibu ñoʼ que adoración ni nac xinésni né xtiitz Dios ñac nayaani. (Salmo 147:19, 20) Modreʼ buñ de stipnés gudxrop labúu nacaʼ xcalnasac gudx Israel. Bíil Génesis 22:18.

Dios golú israelitas par ñacyibu testigos xtunybu. Mod bibany israelitas nírcu raslooyni lóono ximod racnéni buñ órni rasob xiley Dios. (Deuteronomio 4:6) Scú láani, mod buny israelitas stipnés buñ labúu nimbu Jehová, Dios ni rasuidy xinésni. Bíil Isaías 43:10, 12.

2. ¿Xigony buñ ni racanal a Jesús ronyibu dxiin toibsi?

Godudy íz, Dios ma diti cuacuent gudx Israel, xalagaryibu Jehová golú stoib gudx. (Mateo 21:43; 23:37, 38) Por ngú ló naareʼ, xalagary israelitas testigos xtuny Jehová nacyibu buñ ni racanal Jesús. Bíil Hechos 15:14, 17.

Jesús gochbu buñ ni cuanal láabu mod saayibu yoʼ por yoʼ né mod nasuidyibu buñ ló guidopynac Gudxlio. (Mateo 10:7, 11; 24:14; 28:19, 20) Ló dzú ni nabanyno ni ma cadubylagaʼ, nigolú tibrodiguieʼ cayac dxiinreʼ. Ló naareʼ más que stoib ór Jehová catop xidalguixo buñ de guirá clas gudxrop par tzóyibu lad religión ni rasuidy xinésni. (Revelación 7:9, 10) Por ni ronyibu dxiin toibsi, labúu rony animaryibu né racnéyibu saʼyibu. Ló guidopynac Gudxlio toibsi mod rienyibu la Biblia órni rieyibu reunión. Bíil Hebreos 10:24, 25.

 3. ¿Ximod gosaló historia de testigos xtuny Jehová ló naareʼ?

Historia de testigos xtuny Jehová gosaloni ló naareʼ íz 1870. Tidxo buñ ni bisuidy ni ná la Biblia gosaló bidzelyibu ni sieed ló la Biblia ni bian nagach por xidal íz. Gonyibu que Jesús bisian toib congregación par tze yoʼ por yoʼ, por ngú gosaloyibu goníyibu diitz sacró ni sieed de Gobierno xtuny Dios ló guidopynac Gudxlio. Ló íz 1931 bireʼ laayibu testigos xtuny Jehová. Bíil Hechos 1:8; 2:1, 4; 5:42.

4. ¿Ximod rony testigos xtuny Jehová dxiin?

Ló xtzú Jesús, Tidxo buñ ni gop xiroʼ Galnann gonyibu ximod guirá congregación ni goyoʼ ló dzúcu buny dxiin, guirá buñguieeu reʼ gopyibu respet Jesús xomod ni Rasanir nisló congregación. (Hechos 16:4, 5) Scúca ló naareʼ, testigos xtuny Jehová racaʼyibu xcalrracné Tidxo buñ ni nap xiroʼ Galnann, ni ran ximod rac dxiin lagary ro rony testigos xtuny Jehová dxiin ló guidopynac Gudxlio. Lagary reʼ rac traducir, riaʼ libros né raxelyibu láani ló más de xhopgayo diitz ni raniʼ buñ. Guirá guiich ni rasaʼyibu rareʼni ló la Biblia, Tidxo buñ ni nap xiroʼ Galnann rony animaryibu né racnéyibu más de tigayoʼ mil congregación, lainy congregaciones noʼ ancianos ni nap galnann ni randxiʼ buñ ni nac xomod xiil. Bíil 1 Pedro 5:2, 3.

Lóodo ni nacdo testigos xtuny Jehová ronydo dxiin toibsi par guinido diitz sacró ni sieed de Dios né guisuidydo buñ. Xomod xpiin Jesús, rasaado yoʼ por yoʼ. (Hechos 20:20) Láaca raibydo buñ pal rioladxyibu guisuidyibu ni ná la Biblia. Lóodo ni nacdo testigos xtuny Jehová diti nosi ronydo dxiin toibsi. Nacdo toib family ni nadxi saʼ né napdo a Jehová xomod Bixiosdo ni nadxi lóodo. (2 Tesalonicenses 1:3) Buñ ni noʼ lainy xcudx Jehová ronyibu xtem por gonyibu ni ná Jehová né gacnéyibu buñ, layibu nacyibu family ni más rabaladx ni noʼ ló Gudxlio. Bíil Salmo 33:12; Hechos 20:35.

 

PAR GANNLO MÁS

Goyodieʼ ló xcalnadxiʼ Dios

¿Ximod guislooylo que raduidylo guixquix Jehová por guirá ni ma bunybu?

¿Xí clas buñ nac testigos xtuny Jehová?

¿Balac testigos xtuny Jehová rimbulo? ¿Xí ni merpa nanlo de lóodo?