Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 10

¿Ximod labúu guimbulo religión ni rasuidy xinésni?

¿Ximod labúu guimbulo religión ni rasuidy xinésni?

1. ¿Toibsi religión ni rasuidy xinésni noʼ la?

«Nanísi colguiguaʼ de buñ falz ni raniʼ xí gac ló dzú ni sietra.» MATEO 7:15.

Jesús bisuidy toibsi religión a guirá ni cuanal láabu, religión ni rasuidy xinésni. Nacní xomod toib néz ni riné lóono guibanyno tipzó. Jesús goní: «Tipnessi radzel» néz reʼ. (Mateo 7:14) Dios nosi racacuent buñ ni rony adorar láabu mod sieed ló la Biblia. Guiránac buñ ni nap religión ni rasuidy xinésni toibsi mod rony adoraryibu Dios. Bíil Juan 4:23, 24; 14:6; Efesios 4:4, 5.

2. ¿Ximod goní Jesús nac buñ falz ni ná que racanal láabu?

«Raniyibu nisló guirá buñ que rimbuyibu Dios, per mod ronyibu raduidyibu diitz que diti scú láani.» TITO 1:16.

Jesús goní que buñ falz ni raniʼ xí gac ló dzú ni sietra sonyibu mal religión ni rasuidy xinésni. Ralooypani noyibu ló religión ni rasuidy xinésni. Né raluladxyibu que scú láani. Looy labúu guimbulo mod nacyibu, ¿ximod? Portín nosi religión ni rasuidy xinésni nap buñ ni rony cós tzaay, né buñ labúu raduidy cuent que scú nacní. Bíil Mateo 7:13-23.

3. ¿Ximod guimbuno buñ ni noʼ ló religión ni rasuidy xinésni?

Guisuidyno gáay mod ni gacné lóono guimbuno layibu:

  • Buñ ni noʼ ló religión ni rasuidy xinésni rony respetaryibu la Biblia xomod Xtiitz Dios. Layibu ronyibu por guibanyibu mod ná litz ni sieed ló la Biblia. Por ngú religión ni rasuidy xinésni  diti nac xomod stipnés religión ni rasuidy pór xpensary buñgudxlio. (Mateo 15:7-9) Buñ ni noʼ ló religión ni rasuidy xinésni diti rasuidy toib cós né rony stoib cós. Bíil Juan 17:17; 2 Timoteo 3:16, 17.

  • Buñ ni noʼ ló religión ni rasuidy xinésni ronyxiroʼ laa Jehová. Jesús bunyxiroʼ laa Dios órni bisuidybu a stipnés laa Bixiosbu. Gocnébu buñ bimbu laa Dios né bisuidybu buñ guininé Jehová par gac nayaa laa Bixiosbu. (Mateo 6:9) Lagary ro rabéslo, ¿xí religión rasuidy laa Dios? Bíil Juan 17:26; Romanos 10:13, 14.

  • Buñ ni racanal Jesús rasuidyibu a stipnés de Gobierno xtuny Dios. Dios bixel a xiin par guisuidy diitz sacró ni sieed de Gobierno xtuny Dios. Nosi Gobierno xtuny Dios labúu gacné a buñgudxlio. Jesús bisuidy de láani dada dzú goitybu. (Lucas 4:43; 8:1; 23:42, 43) Gochbu a guirá ni racanal láabu que guiniʼyibu de Gobierno reʼ. Pal noʼ ni rabigax ronoʼlo par guininé looy de Gobierno xtuny Dios, ¿de xí religión xpensarylo nacbu? Bíil Mateo 24:14.

  • Buñ ni racanal a Jesús diti rac toibsi né gudxliogoxreʼ. Looy labúu guimbulo layibu portín diti rioʼyibu lad partid né ló galradíil. (Juan 17:16; 18:36) Láaca diti rasuʼyibu cós yox ni rony gudxliogoxreʼ. Bíil Santiago 4:4.

  • Buñ ni noʼ ló religión ni rasuidy xinésni rien que nadxi saʼ. Ma bisuidyibu ló la Biblia gapyibu respet buñ de stoib gudx. Ná stipnés religión falz racyibu toibsi né racnéyibu stipnés gudxrop ni riée ló guerr, buñ ni noʼ ló religión ni rasuidy xinésni diti ronyibu ngú. (Miqueas 4:1-3) Layibu rabeʼyibu xtiempyibu né ronyibu gaxt xpidxiichyibu par racnéyibu né rony animaryibu a stipnés buñ scásiʼ. Bíil Juan 13:34, 35; 1 Juan 4:20.

4. ¿Labúu guimbulo religión ni rasuidy xinésni la?

¿Xí religión pór ló la Biblia rabeʼ ni rasuidy, ronyxiroʼ laa Dios, né rasuidy que nosi Gobierno xtuny Dios labúu sacné buñgudxlio? ¿Xí religión rien que nadxi saʼ né diti riée ló guerr? Looy, ¿ximod ronylo xpensarylo? Bíil 1 Juan 3:10-12.

 

PAR GANNLO MÁS

Religión ni Dios racacuent

Gon xhoop cós ni rony religión ni rasuidy xinésni ló naareʼ.