Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 4

¿Chú láabu ngú Jesucristo?

¿Chú láabu ngú Jesucristo?

1. ¿Ximod gosaló Jesús bibany?

¿Xí clas buñ góc Jesús por ni guirá buñ bibiknoo láabu? MATEO 11:29; MARCOS 10:13-16

Ni nirdiguié bisaʼ Dios góc Jesús. Diti gócbu xomod buñgudxlio, portín golésbu guibá xomod toib ángel dzú yása gálbu ló Gudxlio. (Juan 8:23) Jesús gocnébu par goyaʼ guiráxadit cós. Jehová bisaʼ Jesús né diti goyoʼ ni gocné láabu, por ngú laabu «toibguielot» Xiin Dios. (Juan 1:14) Láabu biquiimbu Jesús par goní xtiitzbu a stipnés, por ngú láaca laabu «Ni riné xtiitz Dios.» Bíil Proverbios 8:22, 23, 30; Colosenses 1:15, 16.

2. ¿Xigony bieed Jesús ló Gudxlio?

Jehová bixel xiin ló Gudxlio. Biquiimbu toib mbioxhlas judía ni góc laa María par nasann xiimbu, né ndeʼ góc Jesús. Bixiosbu diti góc buñgudxlio. (Lucas 1:30-35) Jesús bieed ló Gudxlio 1) par bisuidybu ni ná Dios, 2) bisiambu toib mod sacró ni guisuʼno par gonyno xchiin Dios ná nóono ló galnagan, né 3) láabu goitybu sin galkié par «guilaano.» Bíil Mateo 20:28.

3. ¿Xigony raquiinno ni guilaa lóono?

Toib ni ralaa, láani ngú ni riax par guilaa buñ órni noʼ ni ná guigaity láabu. (Éxodo 21:29, 30) Dzú bisaʼ Dios buñgudxlio diti goniiny láabu ñoʼx né ñaity buñ. ¿Ximod nánno ndeʼ? Dios góoch primer buñguieeu, Adán, pal ñabbu ló ni la Biblia raniʼ «galkié», ñaitybu. Pal Adán diti ñony galkié diti nadxín dzú ñaitybu. (Génesis 2:16, 17; 5:5) Mod ná la Biblia galgoity «goyoʼni» ronoʼ buñgudxlio xtol Adán. Scú láani, Adán bituidy galkié né galgoity a guirá xiin. Raquiinno que tzó ni guilaa lóono par guiréno ló galgoity ni bisiané Adán lóono. Bíil Romanos 5:12; 6:23.

 Por ngú, ¿chú labúu naguiix par nalaano de galgoity? Órni raityno, nosi xcalkiéno raguiixno. Ni toib buñ galkié labúu raguiix xcalkié stipnés. Bíil Salmo 49:7-9.

4. ¿Xigony goity Jesús?

Jesús diti góc buñ galkié xomod lóono. Por ngú diti raquiin ñaitybu por galkié ni diti gopbu. Jesús goity por xcalkié stipnés. Órni Dios bixel xiin par ñaity por lóono bislooybu balaati nadxibu buñgudxlio. Jesús láaca bislooy que nadxibu lóono portín bisobbu bixiosbu né goitybu por xcalkiéno. Bíil Juan 3:16; Romanos 5:18, 19.

5. ¿Xí cayony Jesús nigoreʼ?

Dzú goyoʼ Jesús ló Gudxlio, bisialbu buñguitz, golísbu gueʼet, né bilaabu buñ ni goyoʼ ló galnagan. Modreʼ Jesús bislooy ni gonybu ló dzú ni sietra por guirá buñ ni guisob. (Mateo 15:30, 31; Juan 5:28) Bidxin dzú Jesús goity, né Dios golís láabu xomod toib ángel. (1 Pedro 3:18) Ór cú Jesús golés ladbuʼ Jehová dada órni Jehová biduidy láabu galnadip par gony Mandarybu ló guidopynac Gudxlio. (Hebreos 10:12, 13) Nigoreʼ Jesús cayony Mandary guibá, né guirá ni racanal láabu caduidy abís a guiránac buñ ló Gudxlio de diitz sacró. Bíil Daniel 7:13, 14; Mateo 24:14.

Mápa mer, Jesús guiquiin xcalnadip par gony Mandary né guinitló guirá galrrioop né ni rony láani. Guiránac ni nap fe né rasob a Jesús sabanyibu sacroyen ló Gudxlio móz. Bíil Salmo 37:9-11.

 

PAR GANNLO MÁS

Xcalgoity Jesús, xcalrrascad Dios ni más rasac

¿Ximod bilaa Dios buñgudxlio? ¿Ximod racnéni looy?