Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¡Diitz sacró ni sieed de Dios!

 LESIONY 2

¿Chú láabu ngú Dios?

¿Chú láabu ngú Dios?

1. ¿Xigony gony adorarno Dios?

Dios ni rasuidy xinésni Bisaʼ guiráxadit cós. Diti noʼ chú bisaʼ láabu né diti sadxin dzú saitybu. (Salmo 90:2) De láabu sieed diitz sacró ni caa ló la Biblia. (1 Timoteo 1:11) Dios bisaʼ lóono, por ngú nosi láabu gony adorarno. Bíil Revelación 4:11.

2. ¿Ximod nac Dios?

Ni toib buñ ma bibiʼ Dios portín nacbu toib espíritu. Diti nacbu xomod lóono ni nabany ló Gudxlio, ndeʼ raduidy diitz que diti noʼ ni rigaʼl láabu. (Juan 1:18; 4:24) Ná scú nacní, lóono labúu ganno ximod nac Dios por guirá cós ni bisaʼbu. Xomod bisaʼ clas guieʼ né bisaʼ clas cuánnax, raduidyni diitz balaati napbu galnadxi né galnann. Guibá né Gudxlio nirodanni né ndeʼ raslooy balaati galnadip nap Dios. Bíil Romanos 1:20.

Lóono labúu guisuidyno más ximod nac Dios pal rolno la Biblia. Loni sieed xí rioladxbu né xí láani diti rioladxbu, ximod ranbu buñ né xí pensary ronybu de guirá ni rac. Bíil Salmo 103:7-10.

3. Dios, ¿noʼ laabu la?

Jesús goní: «Bixiosdo ni noʼ guibá, gac nayaa laalo.» (Mateo 6:9) Ná buñ raniʼ laa Dios Señor o Padre, nosi toib laabu noʼ. Ló xidal diitz ni raniʼ buñ laa Dios, gadzé mod sieetni. Diitza ranino laa Dios «Jehová.» Per stipnés buñ ranibu laa Dios «Yavé.» Bíil Salmo 83:18.

Ló xidal Biblias ma diti sieed laa Dios, nosi sieed Señor o Dios. Dzú cuá la Biblia cuá laa Dios loni más de gatzmil buelt. Jesús bisuidytzaybu laa Dios órni bisuidybu buñ. Bíil Juan 17:26.

 4. ¿Rioʼ Dios galrasaʼ por lóono la?

Xomod toib buñguieeu ni nadxiʼ xiin, Dios láaca rioʼ ló galrasaʼ órni raduidyno ló galrrioop

Por ni nogolú galrrioop ló Gudxlio, ¿raduidyni diitz que Jehová nac toib Dios ni diti rioʼ galrasaʼ por lóono la? Tipnés buñ raniʼ que Dios ragoʼ prueby lóono ló galrrioop, per ndeʼ ditini nigolú. Bíil Santiago 1:13.

Dios biduidy lagary buñgudxlio gonyibu ni náni layibu. Galán láani que Dios raduidy lagary lóono cuuno par gonyno xchiimbu. (Josué 24:15) Xidal buñ más rioladx gony mal a stipnés, por ngú nogolú galrrioop. Jehová rasac nabann ni noʼ xidal cós ni diti rac xinés. Bíil Génesis 6:5, 6.

Jehová nac toib Dios ni rioʼ ló galrasaʼ por lóono. Raniiny láabu guibanyno sacroyen. Mápa mer guinitlóbu galrrioop né guirá buñ ni rony láani. Laʼga guidxin ór gac ndeʼ, láabu nambu xigony caduidybu lagary tzó galrrioop por tidxósi dzú. Ló lesiony 8 guisuidyno xigony ronybu láani. Bíil 2 Pedro 2:9; 3:7, 13.

5. ¿Ximod labúu guibigaxno Dios?

Jehová raiby lóono guininéno láabu né scú guibigaxno láabu. Jehová rioʼ galrasaʼ por tigaano. (Salmo 65:2; 145:18) Noʼbu puext par guituidybu xcalkiéno scásiʼ. Jehová nandxichbu que ronyno xtem par labúu gonyno ni rioladxbu, ná rioʼ ór rachéno nislóbu. Ná nacno buñ galkié labúu gacno ximigbu. Bíil Salmo 103:12-14; Santiago 4:8.

Por Jehová nabanyno, né lóono non gandxiʼno láabu más que stipnés buñ. (Marcos 12:30) Conforma guisuidyno ni ná Dios más sabignono láabu né sonyno ni ranabbu lóono. Bíil 1 Timoteo 2:4; 1 Juan 5:3.

PAR GANNLO MÁS

¿Noʼ laa Dios la?

Noʼ buñ raibyibu Dios: Bixiosa, Creador né Señor. Per video reʼ raslooyni que noʼ laa Dios né laabu sieedni ló la Biblia más de 7.000 buelt.