Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 2

¿Xigony rioʼya galrrasaʼ mod rienna?

¿Xigony rioʼya galrrasaʼ mod rienna?

¿XIGONY RASACNI?

Noʼ cós ni más rasac que ni looy rabiʼlo ló spej.

¿XÍ ÑONYLO?

Buny pensary ló ndeʼ: órni Julia rabiʼ ló spej, rabiʼbu que nigolú mbóchbu. Né raniʼbu: «Non guieeta tidxó». Per xfamilbu né ximigbu raniʼ que nacbu xomod toib labaa.

Julia cayony pensary que gonybu rutirigaʼlni láabu par guieetbu «chop tzón kíl». Nosi ni raquiin gonybu ngú tudybu ló galrralán chop tzón govitz...

Pal nasaclo xomod Julia, ¿xí ñonylo?

GURÚ NÉ BUNY PENSARY

Mod rabiʼlo looy ló spej sigory diti nacni xomod ronylo pensary de looyca.

Ditini mal tzoʼlo galrrasaʼ por mod naclo. La Biblia rasetlaa xidal buñguieeu né buñgonaʼ nigolú móz, xomod Sara, Raquel, Abigail, José né David. La Biblia rasetlaa toib buñgonaʼ ni góc laa Abisag que «nigolú móz gócbu» (1 Reyes 1:4).

Per xidal mbioxhlas riogoluʼyibu galrrasaʼ por mod rienyibu. Ndeʼ labúu gony que tzoʼyibu ló riesga. Buny pensary ló ndeʼ:

  • Ló toib estudio ni góc 58% de mbioxhlas goniʼ que mbóchyibu, per diti scú láani portín lad 58% cú nosi 17% mbóch.

  • Ló stoib estudio ni góc lad buñgonaʼ ni diti nanaʼ midid ni non gac nanaʼ, 45% de layibu gosacyibu que nigolú mbóchyibu.

  • Tipnés mbioxhlas riogoluʼyibu galrrasaʼ par diti gac mbóchyibu, né raxoʼneyibu anorexia. Ndeʼ nac toib galguitz órni buñ diti ná guá, né ndeʼ ragoʼ layibu ló riesga.

 Pal looy naplo galguitz reʼ ni diti nainy looy guálo, gonab galrracné. Góoch láani xfamilylo o toib buñ ni naplo confianz. La Biblia ná: «Toib amigdxin guirá ór nadxiʼ, né nacbu toib buch ni gool par órni noʼ galnagan» (Proverbios 17:17).

NI MÁS GALÁN GONYLO

Ni más rasac láani ngú mod nacno nislainy, diti mod rien laidyno. Bibiʼ ni rasetlaa la Biblia de Absalón, ni góc xiingaʼn David:

«Diti goyoʼ ni toib buñguieeu ni buñ bisanadx xomod Absalón portín nigolú móz gócbu» (2 Samuel 14:25).

Per láabu gócbu buñ farmay, bisobladxbu, né biscúbu buñ. Por ngú la Biblia diti raniʼ sacró de láabu; xalagary ngú rasetlani que diti bunybu xinésni né gócbu toib buñ ni bianladx né bigaitybu buñ.

Por ngú la Biblia ralitz lóono:

«Colguibany xinésni né colgac buñ copy» (Colosenses 3:10).

«Diti guiduidyto lagary que ni más guisac par lóoto ngú mod gactzayto xomod buñ ni ragoʼny guic nayatz [...], xalagary ngú, par que toib buñ guieen móz raquiin gactzaybu desde lainy xcalnabanybu» (1 Pedro 3:3, 4).

Diti mal láani que tzoʼlo galrrasaʼ par guienlo sacró, per ni más rasac ngú guiyopylo mod par gaclo buñtzay. Conforma tudy dzú buñ sabiʼ más mod naclo né ni ronylo né diti por naclo toib buñ móz. Toib mbioxhlas ni laa, Phylicia goniʼ: «Pal naclo toib gonaʼ móz ni maca sabiʼ buñ looy, per ni guisetnaladxyibu ngú ni looy naclo nislainy, ndeʼ raduidy diitz cós tzaay ni naplo».

BIBIʼ MOD NAC GUIDOPYZOLO

¿Diti rioladxlo mod naclo la?

¿Ma bunylo pensary toibtica buelt de nasianlo ñoolo par labúu ñenlo sacró la?

¿Xí cós diti rioladxlo né raniiny looy natzaʼlo? (Bitié láani).

  • MIDID NASOʼLO

  • BALAATI NANAʼLO

  • GUITZGUICLO

  • MOD NAC LAIDYLO

  • LÓLO

  • O STOIB CÓS

Pal looy cuapylo «scú» ló chop galrranabdiitz ni sieed primer, né goniiny looy natzaʼlo tzón o más cós ló ni rion galrranabdiitz, buny pensary ló ndeʼ: sigory diti rioladxlo mod naclo per stipnés buñ diti rabiʼ láani scú. Biduidy cuent que diti nagan tzogoluʼ buñ ló galrrasaʼ por mod nac (1 Samuel 16:7).