Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 4

¿Xí goni pal rachéya?

¿Xí goni pal rachéya?

¿XIGONY RASACNI?

Portín pal rasetlo ro bichélo sadxin saclo toib ni nan xigony né sap buñ confianz looy.

¿XÍ ÑONYLO?

Buny pensary ló ndeʼ: Toni caguitbu né ximigbu né tisintiempsi racaʼbu pelot ló vidrio xtuny xcamión xpesinbu né ralaʼbu láani.

Pal looy ñaclo Toni, ¿xí ñonylo ór cú?

GURÚ NÉ BUNY PENSARY

LABÚU ÑONYLO TZÓN CÓS:

  1. Naxonylo.

  2. Nagotzlo dool stoib buñ.

  3. Ñaibylo xpesinlo ni bunylo né naguiixlo láani.

Sigory nainy looy gonylo ni rasetlaa número 1. Per más galán guisetlo xcalkiélo, ná pal ralaʼlo vidrio o ronylo stoib cós.

 TZÓN RAZÓN PAR GUISETLO RO BICHÉLO

  1. Galán gonylo láani.

    La Biblia rasetlaa: «Raniiny lóono gacno buñ ni natzaay xcalrrien ló guirá cós» (Hebreos 13:18).

  2. Pal rasetlo ro bichélo, buñ satuidy láani scásiʼ.

    La Biblia ná: «Ni racach xcalkié diti sarebuʼ ni gony, per ni raset né rasian láani sacaʼ galrronladx» (Proverbios 28:13).

  3. Ni máspa la, sagoʼ nakitlo xcalnabany Jehová.

    La Biblia ná: «Jehová rianladxbu buñyox, per Láabu radzaktzaybu buñ ni rony xinésni» (Proverbios 3:32).

Karina, ni nap 20 íz, diti gochbu bixiosbu que godixbu xiroʼ bidxiich ni gonab buñchiin láabu portín bixonygolúbu camión. Per bixiosbu gon láani después. Karina ná: «Per yaaca ló toib íz bixiosa gon xí galkié buni. ¡Goyoʼya ló galnagan!».

¿Xí labúu guisuidyno ni gosaclobu? Karina ná: «Pal rayopyno mod guicachno xcalkiéno más rac xiroʼni ór cú».

¿XIMOD LABÚU GUISUIDYLO DE XCALKIÉLO?

La Biblia ná: «Portín guiráno rachéno xidal buelt» (Santiago 3:2). Xomod ma bibiʼno órni looy rasetlo ni bunylo raslooylo que naclo buñdxo né que ma noʼ xcalrrienlo.

Stoib cós ni ronyni: ragoʼni xcalrrienlo. Toib mbioxhlas ni laa Vera ná: «Rayobi mod guibiʼya xcalkiéya par gacnéni naʼ gaca toib galán buñ. Pal stoib ór guicalóya galnagan reʼ ma naana xi goni». Guibiʼno ximod labúu gonylo láani.

Ranablo xpisiclet bixioslo né raxinlo láani. ¿Xí ñonylo ór cú?

  • Diti naseta xi buni, né ñoni pensary diti saduidybu cuent.

  • Ñaabi bixiosa xi gosacloya.

  • Naniya xi góc, per nagotza dool stoib buñ.

Ronylo toib examen né diti ratuidylo láani portín diti bisuidylo. ¿Xí ñonylo ór cú?

  • Naniya que examen cú nigolú naganni.

  • Naniya que napa dool portín diti bisudi.

  • Naniya que mextra diti radzakbu naʼ.

Pal guirá ór rasetnaladxlo galkié ni bunylo ló dzú ni see, nacni xomod suusi casanélo camión né nosi rabiʼlo ló spej par guibiʼlo ro ma godudylo.

 Nigoreʼ goyoʼ xalagary 1) bixioslo né 2) xomextralo. ¿Xí ñonybu pensary pal looy ni maca rasetlo xcalkiélo? ¿Xí ñonybu pensary pal looy diti rasetlo láani?

Nigoreʼ buny pensary xi cós diti bunylo xinésni godobís né cuapy galrranabdiitz ni sieed ló reʼ:

¿Pu bichélo? ¿Né xi bunylo ór cú?

  • Biyobi mod par diti naseta láani.

  • Bigotz dool stoib buñ.

  • Ni maca biseta láani.

Pal diti bisetlo ni maca xcalkiélo, ¿ximod gosaclo después?

  • ¡Galán! Portín buni ni nainy naʼ.

  • Diti gosaca sacró. Non naniya ni nigolú.

¿Ximod labúu ñonylo láani más galán?

¿Xí ma bisuidylo de xcalkiélo?

¿XÍ RONYLO PENSARY?

¿Xigony tipnés buñ rioʼ ór diti raset xcalkié?

¿Xí labúu ñony buñ pensary pal guirá ór racachlo xcalkiélo? ¿Xí ñonybu pensary pal ni maca rasetlo láani? (Lucas 16:10).