Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 5

¿Xí goni pal noʼ ni ronynudy naʼ lainy yolayscuel?

¿Xí goni pal noʼ ni ronynudy naʼ lainy yolayscuel?

¿XIGONY RASACNI?

Mod ni looy guicapylo xcompañerlo labúu sachoclo galnagan cú o sonyxiroʼlo láani más.

¿XÍ ÑONYLO?

Buny pensary ló ndeʼ: Lucas diti ná tzee scuel dzú reʼ. Ni guixí. Ma diti nábu tzeebu scuel portín ma de goló tzón beʼo mbiox ni rinébu scuel bigotz falz láabu. Né bisaʼsi mod goleʼyibu laabu. Né nompa rieeyibu racáyibu cueʼ Lucas né rachetzyibu xilibrabu maca raniʼyibu que diti nompa bunyibu láani. Láaca rioʼ ór rachupiaʼyibu Lucas nisraxitz, órni Lucas rabixnay ronyibu sani diti noʼ xi bunyibu. Neg gocxiroʼni más portín bixelyibu toib mensaje ronoʼ Lucas por Internet, mensaje cú ná que sioʼ ni sasaclobu...

Pal looy ñaclo Lucas, ¿xí ñonylo ór cú?

GURÚ NÉ BUNY PENSARY

Noʼ ni labúu gonylo. Scú láani, labúu gaplo looy sin guicalólo layibu. ¿Ximod?

  •   DITI COʼLO CUENT LAYIBU. La Biblia ná: «Buñ ngaʼal ni maca raniʼ ni rasac, per buñ ni noʼ xcalrrien rachoc ló xcalnadzuitz» (Proverbios 29:11). Pal diti ni maca radzuitzlo o diti ragoʼlo cuent layibu, saxacladxyibu né ma diti sonynudyibu looy más.

  • DITI GONYLO LAYIBU MOD RONYIBU LOOY. La Biblia ná: «Diti guidxiguetto cós mal saʼto» (Romanos 12:17). Pal ronylo layibu mod ronyibu looy más sonyxiroʼlo láani.

  • PAL NOʼ GALNAGAN GOLSIT. La Biblia ná: «Buñ ni naní xcalrrien rabiʼ galnagan né racachlan» (Proverbios 22:3). Órni labúuni, bixony né diti tzeelo ronoʼyibu.

  • BIYOPY MOD GUICAPYLO. La Biblia ná: «Órni buñ racapy né diitz nadaʼa, rachocni ló galnadzuitz» (Proverbios 15:1). Dada labúu gacnélo láani. Guibiʼno ximod: Pal raibybu looy nigolú mbochlo, labúu guicapylo láabu: «Scú looy, ma raquiin diti guágoluya».

  • GOYEE STOIB LAD. Nora ni nap 19 íz ná: «Pal ralsitlo né diti racapyroʼlo layibu raslooylo que noʼ xcalrrienlo, diti radzuibylo né ronylo gan looyca, ni layibu diti labúu ronyibu» (2 Timoteo 2:24).

  • RADXIN RAPLO MÁS CONFIANZ LOOYCA. Buñ ni ratzaldaʼ raduidyibu cuent órni buñ radzuiby né diti rony xitcal. Per pal rayopylo mod gaplo looy, layibu salsityibu né ma diti noʼ xi sonyibu looy.

  • GÓOCH LÁANI STOIB BUÑ. Toib buñgonaʼ ni góc mextra ná: «Pal noʼ ni cadudy ló guirá galnagan reʼ, non gaibybu láani stoib buñ, portín modreʼ saroc loni né ma diti sioʼ ni sadudy ló galnagan reʼ más».

Buñ ni ratzaldaʼ diti nap confianz per pal looy naplo confianz ngú sony nadip looy.