Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 7

¿Xí goni pal noʼ ni rakíil naʼ gatnéya buñ?

¿Xí goni pal noʼ ni rakíil naʼ gatnéya buñ?

¿XIGONY RASACNI?

Ni gonylo nigoreʼ saguiñani looy ló dzú ni sietra.

¿XÍ ÑONYLO?

Buny pensary ló ndeʼ: Sandra né Pablo pénsa sané chop beʼo de goló rasanéyibu saʼyibu, per Sandra rasac suusi ma xidzú íz rimbuyibu saʼyibu. Guidopynac dzú raniʼyibu por teléfono né raxelyibu mensaje ló saʼyibu, né órni yása guilox guiniʼ toibcu, stoib cú maca biduidy cuent xí guiniʼbu. Per Pablo ma ná gony stoib cós.

Dada nigoreʼ, Pablo né Sandra nosi ranásyibu ña saʼyibu né rioʼ órsi raduidyibu toib bixityen saʼyibu. Sandra diti ná gony stoib cós per láaca diti nainy láabu que Pablo guisian láabu. Diti noʼ stoib buñ ni rony que guisacbu sacró né diti noʼ ni raiby láabu diitz sacróyen xomod Pablo. Sandra ná: «Ditini mal, ¿janlo Pablo né naʼ ronladxdo saʼdo la?

Pal ma naplo íz par sanélo toib buñ né pal nasaclolo ni gosaclóo Sandra, ¿xí ñonylo ór cú?

GURÚ NÉ BUNY PENSARY

Dios biduidy toib galrrascad a buñ ni ma noʼ tzeʼel, láani ngú gatnéyibu saʼyibu. Órni buñ ratné saʼ órni yása gony galtzeʼel raduidyibu diitz que diti rasac galrrascad reʼ par layibu. Nacni suusi nascad buñ toib coton móz looy né naquiinlo láani par nasiálo xcóslo.

Pal looy ñaʼpylo ló toib yac né naniiny looy nasapylo xomod toib manybiguin, ñacnaalo. Scúca sadudylo ló galrrioʼob pal diti rasoblo ni ná xiley Jehová, láabu nábu que rianladxbu gony buñ galyoxh, ndeʼ dada raguiñani órni toib buñ ratné saʼ órni yása gony galtzeʼel (1 Tesalonicenses 4:3).

¿Xí sasaclono pal diti rasobno ni ná Dios? La Biblia ná: «Ni rony galyoxh ronybu galkié contra laidycabu» (1 Corintios 6:18). ¿Xí raduidy diitz ndeʼ?

 Buñnan ni ma bisuidy láani ná que xidal mbioxhlas ni ma gotné saʼ rasacyibu scareʼ:

  • RAC ARREPENTIRYIBU. Casi guirá mbioxhlas ni ma gotné saʼ antes de ñonyibu galtzeʼel náyibu que góc arrepentiryibu malís bunyibu láani.

  • MA DITI RAPYIBU CONFIANZ. Tipnés mbioxhlas malís gotnéyibu saʼyibu, ranabdiitzyibu láacayibu chú más ma gotné xinobyibu.

  • RASAC MALYIBU. Xidal mbioxgonaʼ más rioladxyibu sanéyibu toib buñguieeu ni ran layibu, xalagary sanéyibu toib buñguieeu ni raguitquel layibu. Né xidal mbioxguieeu más rioladxyibu mbioxgonaʼ ni diti rasaguel ni maca, né diti rioladxyibu mbioxgonaʼ ni raduidy lagary cuenunysi gony buñguieeu láabu.

  • Ló tidxósi diitz: Pal ratnélo toib buñ órni yása gonylo galtzeʼel, raduidylo diitz que diti rasaclo, portín casnitlo toib cós ni nigolú rasac (Romanos 1:24). Laidylo nigolú rasacni. ¡Diti guiscadlo láani!

Góc nadip né diti gatnélo buñ antes de gonylo galtzeʼel (1 Tesalonicenses 4:3). Dzú looy gonylo galtzeʼel, satnélo tzeʼel lo. Né sasaclo sacró, diti sonynudy xcalrrienlo looy; portín buñ ni ratné saʼ órni yása gonyibu galtzeʼel diti rasacyibu sacró (Proverbios 7:22, 23; 1 Corintios 7:3).

 ¿XÍ RONYLO PENSARY?

  • Pal toib buñguieeu nigolú nadxiʼ looy, ¿ñonybu cós ni ñonynaa looy né ñonynaa xcalnabanylo la?

  • Pal nigolúpa rioʼbu galrrasaʼ por looy, ¿nanabbu looy ñonylo toib cós ni ñony que nasianlo Jehová la? (Hebreos 13:4).