Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 10

¿Ximod labúu gacné la Biblia naʼ?

¿Ximod labúu gacné la Biblia naʼ?

¿XIGONY RASACNI?

La Biblia ná: «Guirá ni caa ló la Biblia sieedni de Dios» (2 Timoteo 3:16). Pal nigolúni, la Biblia labúu sagonés looy.

¿XÍ ÑONYLO?

Buny pensary ló ndeʼ: David casagueʼel lainy toib gudx, né diti labúu rabiʼbu ló néz portín nacayasquin. Tisintiempsi raduidybu cuent ma gonásbu stoib lad né ma binitbu.

Pal looy ñaclo David, ¿xí ñonylo ór cú?

GURÚ NÉ BUNY PENSARY

Labúu ñonylo xidal cós:

  1. Nanablo galrracné.

  2. Naquiinlo toib lámpara.

  3. Nasaalo né nayopylo mod nadzel lo néz.

Scú láani, número 3 diti labúu ñacnéni looy.

Número 2 más galán nacni portín toib lámpara labúu gacnéni looy guirá ór né labúu guisanésni looy.

La Biblia láaca labúu guisanésni looy xomod toib lámpara.

Libro ni más radoʼ ló naareʼ labúu:

  • Guisanésni looy órni guicalólo galnagan.

  • Gacnéni looy guimbulo xi clas buñ naclo né gacnéni looy gaclo buñtzay.

  • Guisuidyni looy guibanylo más sacró.

 ¿PU RAREXA GALRRANABDIITZ NI MÁS RONY BUÑ?

Órni rasaló ranino ni maca ranabdiitzno:

  • ¿Xigony guibá azulni?

  • ¿Ximod goyaʼ vitzón?

Después ronyno más galrranabdiitz xomod ndeʼ:

¿Nanlo que la Biblia racapy guirá galrranabdiitz reʼ la?

Xidal buñ ná que la Biblia sitnéni cuent o que nacni toib libro ni ma godudy xtzú o nigolú nagan par guieen buñ láani. Per ¿nigolúni la? ¿Nigolú guirá ni raniʼ buñ de la Biblia la?

Gonysino pensary, buñgudxlio raluladx que la Biblia ná que Dios rony mandary Gudxlio. Per ¿noʼ razón guiniʼyibu modreʼ la? Gudxliogoxreʼ nirosondi xi rac loni. Guirá lad rabiʼno galnagan, buñ radudy ló galrrioʼob, noʼ galguitz, galgoity, galsii né noʼ desgrasy. Per Dios ni nap galnadxiʼ, ¿labúu gonybu guirá ndeʼ la?

¡Sigory sadziguiaʼlo mod rabexa la Biblia láani!

Sigory ma biduidylo cuent que guirá litz ni sieed ló follet reʼ rareʼni ló la Biblia. Testigos xtuny Jehová nandxichyibu que la Biblia nacni toib libro ni ragonés lóono. Labúu gapno confianz loni portín «guirá ni caa ló la Biblia sieedni de Dios» (2 Timoteo 3:16, 17). Buny rutirigaʼlni looy par guisuidylo la Biblia ni cuá ma xidzú íz per ná scú, nigolú racnéni lóono ló naareʼ.