Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

10 galrranabdiitz ni rony mbioxhlas

 GALRRANABDIITZ 9

¿Non goni crer ló evolución la?

¿Non goni crer ló evolución la?

¿XIGONY RASACNI?

Pal evolución nigolúni, lóono sieelno par guibanyno né tzoʼ nakitno por chop tzónsi íz. Per pal noʼ ni bisaʼ lóono, labúu sanno xigony nabanyno né ni gac ló dzú ni sietra.

¿XÍ ÑONYLO?

Buny pensary ló ndeʼ: Álex ma diti nan xi láani gony crer, láabu ronybu crer que Dios bisaʼ guirá ni noʼ lainy guibá né Gudxlio. Per nigoreʼ, xomextrabu ni rasuidy biología nadip rac xtiitz que guirá buñnan ná que evolución nigolúni. Álex diti rioladx que xcompañerbu guibiʼ láabu xomod toib buñ ngaʼal né ronybu pensary: «Pal guirá buñnan raniʼ que evolución nigolúni, ¿xigony guiniya que ni náyibu diti nigolúni?».

Pal ñaclo Álex, ¿ñonylo crer ló evolución nosi portín tipnés libros ni rinélo scuel raniʼ láani la?

GURÚ NÉ BUNY PENSARY

Noʼ buñ ni cuenunysi raniʼ que rony crer ló evolución o rony crer que goyoʼ ni bisaʼ lóono, per diti labúu rabexayibu xigony raniʼyibu scú.

  • Tipnés buñ rony crer que goyoʼ ni bisaʼ guirá ni noʼ portín ngú bisuidyibu ló xireligionyibu.

  • Stipnés buñ rony crer ló evolución portín ngú bisuidyibu lainy yolayscuel.

 XHOOP GALRRANABDIITZ NI RAQUIIN GONYLO LOOYCA

Hebreos 3:4 ná: «Guirá yoʼ noʼ ni bisaʼ láani, per ni bisaʼ guirá cós ngú Dios». ¿Non gonylo crer ni ná texto ca la?

Pal buñ raniʼ que diti goyoʼ ni bisaʼ guirá ni noʼ nacni suusi nanino que yoʼ reʼ stipláacani goyaʼni.

NI RANIʼ BUÑ: Goyoʼ toib cós ni gootz né de ngú bireʼ guirá ni noʼ lainy guibá né Gudxlio.

1. ¿Chú láabu buny que ñatzni?

2. ¿Xí láani más galán gonyno crer: que guirá ni noʼ stip láasini bidxinni la o noʼ ni bisaʼ láani?

NI RANIʼ BUÑ: Buñgudxlio sieed de nimal.

3. Pal nigolú sieelno de nimal —xomod mig— ¿xigony más naní xcalrrienno que layimu?

4. ¿Xigony guirá ni nabany ná nacyimu «mitien» goyaʼtzaymu?

NI RANIʼ BUÑ: Evolución nigolúni.

5. Buñ ni raniʼ modreʼ, ¿lapayibu bisuidytzaybu láani la?

6. ¿Balac buñ rony crer ló evolución nosi portín noʼ ni raiby layibu que ngú rony crer tipnés buñ ni naní xcalrrien?

«Buny pensary que casaalo lainy toib guixtaʼ né tisintiempsi rabiʼlo toib yoʼ tabla. Nandxichdo que diti ñeed ló xpensaryno que scásiʼ goyaʼni portín tisintiempsi xcaan guirá yac reʼ biab né gocni toib yoʼ. Buñ ni naní guic diti rony pensary scú. Por ngú, ¿xigony guinino que guirá ni noʼ lainy guibá né Gudxlio stiplaʼsini goyaʼni?» (Julia).

«Pal ñoʼ ni ñaiby looy que lainy toib imprenta gootz toib cós né bixú pintur ni napyibu cú, né de ngú bireʼ toib diccionario, ¿ñonylo crer láabu la?» (Gwen).

 ¿XÍ RAZÓN NAPA PAR GONY CRER LÓO DIOS?

La Biblia raiby looy guiquiinlo xcalrrienlo (Romanos 12:1). Ndeʼ raduidy diitz que diti nosi gonylo crer que noʼ toib cós portín:

  • RITZANLÓSINI LÓ PENSARYLO: «Naʼ raabi que noʼ toib galnadip más nirodanndiguie».

  • STIPNÉS RONY CRER LÁANI: «Buñ ni nagoo naʼ ronybu crer lóo Dios».

  • STIPNÉS RANIINY GONI CRER LÁANI: «Xfamila raiby naʼ goni crer ló Dios».

Xalagary cuenunysi gonylo crer ló toib cós, non gantzaylo xigony nacni scú par gonylo crer láani.

«Órni mextra rabexabu ximod rony laidyno dxiin, ndeʼ rony que más goni crer que noʼ Dios. Laidyno nigolú sacró ronyni dxiin dada cós ni napno nislainy ná mitienni. Né diti rabiʼno ximod ronyni dxiin. ¡Ndeʼ nac toib galrradziguiaʼ!» (Teresa).

«Órni rabiʼya toib yoʼ ni nap xidalguixo píis , toib bark o toib camión, ranabdiitz naʼca: ¿Chú bisaʼ láani? Raquiinni toib buñnan par guisaʼ toib camión portín napni xidalguixo guibien lainyni, né guiráni non tzoʼni xalagaryni par gonyni dxiin galán. Por ngú, pal toib camión noʼ ni bisaʼ láani, scúca buñgudxlio noʼ ni bisaʼ láabu» (Richard).

«Órni más rasudi ni ná buñnan, más nagan rasaca goni crer ló evolución. [...] Roni pensary que buñ raquiin más fe par gony crer ló evolución que gony buñ crer que goyoʼ ni bisaʼ guirá ni noʼ» (Anthony).

BUNY PENSARY LÓ NDEʼ

Ná ma xidzú íz buñnan casuidytzay láani, diti toibsi mod ronyibu pensary de evolución. Né pal layibu ni nacyibu buñnan diti rioʼyibu de acuerdo né ni ronyibu crer, ¿mal láani guiniya que diti láani ngú ni rasuidyibu la?