Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 4

Láabu bunybu que bixiosbu né Jehová nabaladx

Láabu bunybu que bixiosbu né Jehová nabaladx

¿Xí láani cayaiby Jefté a Jehová?

Ná nagann gocni par xiindzap Jefté buny cumplirbu ni bixiosbu goniʼ

¿Nanlo chú láabu mbioxgonaʼyen ni rabiʼlo ló dibuj reʼ la?... La Biblia diti rasetlaa ximod laabu, per raibyni lóono que bixiosbu laa Jefté. Jehová né bixiosbu bibaladx por cós ni bunybu. ¿Rioladxlo ganlo más de Jefté né xiindzap la?

Jefté gócbu toib buñguieeu natzaay. Láabu goleʼbu tiemp par bisuidybu xiindzapbu de Jehová. Láaca gócbu toib buñ nadip né galán golonésbu israelitas. Por ngú israelitas gonab láabu par nagonés layibu ló guerr.

Jefté gonab lóo Dios par ñacné láabu ñonybu gan ló guerr. Biduidybu xtiitzbu que pal ñonybu gan, láabu naduidybu a Jehová primer buñ ni nareʼ nacacuent láabu órni nabiguetbu riolidxbu.  Buñreʼ nabés né ñony dxiin laʼga nabany lainy tabernáculo, lagary ro buñ goyee buny adorar Jehová. ¿Buny Jefté gan ló guerr la? Bunybu gan. Xpensarylo, ¿chú láabu góc primer buñ ni bireʼ cuacuent láabu?...

Scú láani, láabu toibguielot xiindzap Jefté ni goyoʼ, né nigoreʼ ma guixelbu xiindzapbu para gony dxiin lainy tabernáculo. Ndeʼ nigolú goloʼ nabann láabu, ¿rasetnaladxlo ni gochbu a Jehová la? Por ngú xiindzapbu góoch láabu: Bixiosa, non gony cumplirlo diitz ni gochlo Jehová.

Ximig xiindzap Jefté guirá íz goyguen láabu

Xiindzapbu láaca goyoʼ nabann. ¿Xigony? Portín órni ma rabésbu lainy tabernáculo, diti labúu ñonybu galtzeʼel né diti ñoʼ xiimbu. Per láabu goyoʼbu puext gacnébu bixiosbu gony cumplir diitz ni goniʼ. Láaca goniiny láabu que Jehová nabaladx né láabu. Ndeʼ gosac más par láabu que nacaʼ buñ láabu o ñoʼ xiimbu. Por ngú goyoʼbu puext seebu par cuésbu lainy tabernáculo laʼga nabanybu.

¿Ronylo crer que Jehová né Jefté bibaladx né láabu la?... Scú gocni. Looy láaca labúu gaclo xomod xiindzap Jefté. Pal rasoblo né nadxiʼlo Jehová, sonylo que bixioslo, xinaʼlo né Jehová guibaladx.

BÍIL LÁANI LÓ LA BIBLIA:

  • Deuteronomio 6:4-6

  • Jueces 11:30-40

  • 1 Corintios 7:37, 38