Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 12

Xiac Pablo gop balory

Xiac Pablo gop balory

Gabi looy toib historia de toib mbioxhlas ni bilaa a Pablo. Diti nanno ximod laabu, per ni nanno ngú que gócbu xiac Pablo. Mbioxhlas reʼ nigolú gopbu balory. ¿Rioladxlo guicadiaglo xí bunybu la?...

Pablo goyoʼbu press lainy gudx Jerusalén. Noʼ ni gonás láabu portín bisuidybu stipnés buñ de Jehová. Ni rasanir nisló soldad goloʼ guic guixelbu Pablo a stoib gudx ni góc laa Cesarea. Per goyoʼ tipnés buñguieeu ni goniiny nagaity a Pablo por ngú goloʼ guicyibu gonyibu toib cós mal. Goniʼyibu guicachlanyibu ló néz né órni soldad nadudy né Pablo ló nézcu, ¡buñreʼ nagaityibu Pablo!

Xiac Pablo gochbu a bixiobu né a soldad guirá ni bicadiagbu

Stoib dzúcu, ni goniʼ guirá buñreʼ gony, bidxinni guidiag xiac Pablo. ¿Xí láani ñonybu ór cú? Goyeebu gochbu láani bixiobu. Ór cú Pablo góoch láabu: Goyee né ni maca góoch guiráni a ni rasanir nisló soldad. Xpensarylo, ¿nagann ñonybu ndeʼ la?... Scú láani. Bisetnaladx, que buñguieeu ni rasanir nisló soldad nacbu toib buñxirop. Per xiac Pablo gopbu balory né goyeebu goniné láabu.

Ni rasanir nisló soldad bicadiagtzay láabu. ¡Ór cú buñguieeu reʼ bixel 500 soldad par gopyibu Pablo! Né goniʼbu diitzreʼ: Goxin reʼca né ni maca coltzané láabu Cesarea. ¿Bilaa Pablo o goitybu la? Xpensarylo, ¿xí láani gócbu?... ¡Láabu bilaabu! Guirá buñguieeu cú diti labúu bigaityibu Pablo.

¿Rioladxlo historia reʼ la?... ¿Biduidylo cuent ximod nga xiac Pablo gopbu balory la? ¡Looy láaca labúu gaplo balory xomod láabu! Por ngú raquiin gapno balory par guinino de Jehová a stipnés buñ. ¿Saplo balory né diti sasian guiniʼlo de Jehová la?... Nigolú rasac diti guisian guinino de Dios. ¡Modreʼ xidal buñ labúu salaa!

BÍIL LÁANI LÓ LA BIBLIA:

  • Hechos 23:12-24

  • Mateo 24:14; 28:18-20

  • 1 Timoteo 4:16