Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 14

Toib Gobierno ni gony mandary guidopy Gudxlio

Toib Gobierno ni gony mandary guidopy Gudxlio

¿Nanlo xí gobierno gony mandary guidopy Gudxlio la?... Láani ngú Gobierno xtuny Dios. Láani sonyni Gudxlio toib lagary móz né sácni toib lagary galán par guibany buñ. ¿Rioladxlo ganlo más de Gobierno reʼ la?...

¿Nanlo chú láabu toib rey la? Láabu ngú toib buñ ni rony mandary lainy toib gobierno. Ni rony Mandary ló Gobierno xtuny Dios nacbu toib buñ ni noʼ guibá. ¿Nanlo chú láabu la?... ¡Jesucristo! Ma tidxósi riatz par gony mandarybu guirá buñ ni nabany ló Gudxlio. Per ¿sacbu toib ni galán gony mandary la? ¿Xí ronylo pensary? ¿Sabaladxno órni ma cayony mandarybu ló Gudxlio la?...

¿Xí láani rioladxlo gonylo lainy Lagary móz?

¡Nigolú sabaladxno! Órni Gudxlio sac toib lagary móz, ma diti sioʼ guerr. Buñ ma diti sadíil xtol nitisi cós. Ma diti sioʼ galguitz, né ni toib buñ saity. Buñ ni diti ranaa sabiʼ stoib né buñ ni diti naní guidiag sacadiag stoib. Buñ ni diti labúu rasaa portín caxoʼ saxony né labúu sasandop. Guirá lad sioʼ cós tzaay ni labúu guá buñ. Nimal láaca ma diti sadíil, lóono láaca labúu gacno ximigyimu. Per noʼ stoib cós: ¿Nanlo que xidal buñ guibiguet né guibany stoib la? Ndeʼ raduidy diitz que  Rebeca, Rahab, David, Elías né stipnés ni buny ni ná Dios guibiguet guibany stoib. ¿Diti rioladxlo guimbulo layibu la?...

Jehová nigolú nadxiʼ looy né rioladxbu gaclo buñ ni rabaladx guirá ór. Bicadiag ni raibybu looy, cuá cuidad ni rasuidybu looy. Pal gonylo láani, sabanylo tipzó lainy lagary móz. ¿Rioladxlo guibanylo lainy Lagary móz cú la?...

BÍIL LÁANI LÓ LA BIBLIA:

  • Isaías 2:4; 11:6-9; 25:8; 33:24; 35:5, 6

  • Juan 5:28, 29; 17:3

PAR GANNLO MÁS

Xi libriya ni rasuidy historias xtuny la Biblia: Ro rasaló

Historia ni nigolú góc, guiráni sieedni ló la Biblia. Guirá Historia reʼ rasetlani ximod gosaló Dios bisaʼ guirá cós ni noʼ.