Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 5

Samuel guirá ór buny ni rioladx Jehová

Samuel guirá ór buny ni rioladx Jehová

Desde dzú nac Samuel toib mbioxien, bibanybu né bunybu dxiin lainy tabernáculo. Lagary reʼ gocni ro buñ goyee buny adorar a Jehová. ¿Rioladxlo ganlo xigony Samuel bibany cú la? Par ganlo láani, primer guisuidyno de xinaʼbu. Xinaʼbu góc laa Ana.

Ana nigolú goniiny láabu ñapbu toib badaʼyen, per diti labúu goyoʼ xiimbu. Por ngú goninébu né gonabbu lóo Jehová: Ranába lólo, Jehová, gocné naʼ. Né gochbu Jehová: Pal tzoʼ toib xiinna buñguieeu, saxel láabu par gonybu dxiin né guibanybu lainy tabernáculo. Jehová bicadiag ni gonab Ana né gopbu toib badaʼ. Né goleʼbu laa badaʼ reʼ Samuel. Órni badaʼ reʼ bisaʼ tzón íz o tap íz, Ana buny cumplirbu ni gochbu Jehová né binébu Samuel par labúu gony xchiin Jehová lainy tabernáculo.

Sacerdote ni buny dxiin lainy tabernáculo laabu Elí. Chop xiingaʼnbu, láaca bunyibu dxiin lagary reʼ, ro biquiin par gony adorar buñ a Jehová, por ngú buñ ni ñoʼ cú diti ñonyibu cuenunysi cós. Per Samuel bibiʼ que guiropca xiin Elí buny cós mal. ¿Ronylo crer que Samuel láaca buny cós mal, xomod layibu la?... Yaca, Samuel diti bisian buny ni rioladx Jehová, bunybu xomodpa bisuidy bixiosbu né xinaʼbu láabu.

¿Xí láani non ñony Elí né xiin? ¿Diti ronylo crer non ñony corregirbu xiimbu la?... Ngú non ñonybu. Diti non naduidybu lagary xiimbu ñony dxiin lainy tabernáculo. Per Elí diti buny ngú. Por ngú Jehová bidzuitz né láabu né guiropca xiimbu, né Jehová goloʼ guic gony castigar layibu.

Samuel góoch a Elí ni goniʼ Jehová

Toib gueʼel, ro natiasy Samuel bicadiagbu que noʼ ni cacarudx láabu. ¡Samuel! Ni maca bixonybu seebu ronoʼ Elí, per Elí góoch láabu que diti caniné láabu. Ngúca gosaclobu xchop buelt. Per ni rion buelt, Elí góoch a Samuel: Pal racadiaglo que noʼ ni cacarudx looy,  cuapy scareʼ: Goniʼ, Jehová, portín cacadiag looy. Órni Samuel buny ndeʼ, Jehová góoch láabu: Góoch a Elí que goni castigar xfamilbu por guirá cós mal ni bunyibu. Sigory nagann góc par Samuel ñaibybu Elí diitz ni Jehová goniʼ. Xpensarylo, ¿bidzuiby Samuel ñaibybu Elí ni Jehová goniʼ la?... Scú, bidzuibybu. Per ná scú gocni, Samuel bisobdiitz né goniʼbu guiráni. Ni Jehová goniʼ birebuʼni: Elí goity né goyoʼ ni bigaity guiropca xiimbu.

Mod buny Samuel noʼ ni rasuidyni lóono. Ná bibiʼbu stipnés buñ cayony cós mal, láabu guirá ór bunybu ni rioladx Jehová. Looy, ¿sonylo scúca la? ¿Saclo xomod Samuel né diti sasianlo sasobdiitzlo Jehová la? Pal sonylo láani, xcalnabany Jehová, xcalnabany bixioslo né xinaʼlo nigolú sabaladx.

BÍIL LÁANI LÓ LA BIBLIA:

  • 1 Samuel 2:22-26; 3:1-21