Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 11

Layibu bicaʼyibu de Jesús

Layibu bicaʼyibu de Jesús

¿Rabiʼlo guirá buñ ni noʼ ló dibuj reʼ la?... Nacyibu Mateo, Marcos, Lucas, Juan, Pedro, Santiago, Judas né Pablo. Layibu toibsi tiemp bibanyibu né Jesús, né láaca bicaʼyibu de Jesús. Nigoreʼ guisuidyno más de layibu.

¿Xí láani nanlo de guirá buñguieeu reʼ?

Tzón de layibu góc xpiin Jesús, gosaayibu yoʼ por yoʼ né Jesús. ¿Nanlo ximod laa tzón biinreʼ la?... Layibu ngú Mateo, Juan né Pedro. Mateo Juan bimbutzaayibu Jesús né cada toibyibu bicaʼ toib libro ni goniʼ ximod bibany Jesús. Ni laa Juan láaca bicaʼ toib libro  ni laa Revelación né láaca bicaʼbu tzón guiich ni laa, Primera de Juan, Segunda de Juan né Tercera de Juan. Stoib xpiin Jesús góc laa Pedro ni láaca bicaʼ chop guiich ni sieed ló la Biblia. Guiich reʼ laani, Primera de Pedro né Segunda de Pedro. Ló ni rarop guiich ni bicaʼ Pedro láabu bicaʼbu órni Jehová goniʼ desde guibá né góoch a Jesús: Ndeʼ xiingaʼna. Naʼ nadxiʼya láabu, né naʼ rabaladxiʼ que nacbu xiingaʼna.

Stipnés buñguieeu ni sieed ló dibuj ca láaca bisuidyibu de Jesús ló libro ni layibu bicaʼyibu. Toib de layibu ngú Marcos. Ni sigory bibiʼ órni gonásyibu Jesús né bibiʼ guirá ni góc ór cú. Stoib de layibu ngú Lucas. Ndeʼ góc toib doctor né ralooypani que bidxinbu gócbu toib cristiano después ni goity Jesús.

Xchop ni bicaʼ la Biblia ni looy rabiʼlo ló dibuj gocyibu buch lahuin Jesús. ¿Nanlo ximod laayibu la?... Laayibu Santiago Judas. Primer diti biluladxyibu ni bisuidy Jesús. Layibu bunyibu pensary que moda canit xcalrrien Jesús. Per después gosaló bunyibu crer né cuanalyibu Jesús.

Último ni bicaʼ la Biblia ni looy rabiʼlo ló dibuj láabu ngú Pablo. Antes ni nadxiimbu ñacbu toib ni bisob a Jesús, góc laabu Saulo. Láabu bianladxbu buñ ni cuanal Jesús né nigolú buñ mal gócbu. ¿Nainy looy ganlo ximod bidxin góc Pablo toib cristiano la?... Toibtica dzú, ro Pablo see stoib gudx ro casaabu ló néz, tisintiempsi bicadiagbu toib diitz ni sieed guibá. ¡Ndeʼ góc xirudx Jesús! né láabu gonabdiitzbu Pablo: ¿Xigony rianladxlo né cayonylo mal guirá ni rasob naʼ? Después ni gosaclóo Pablo ndeʼ, láabu bitzaʼbu mod gócbu né bidxinbu gócbu toib ni cuanal a Jesús. Bicaʼbu 14 libros ni sitné la Biblia, nacni Romanos a Hebreos.

¿Ma gosalólo cayoʼol lo libro ni sieed ló la Biblia ni raniʼ de Jesús, o noʼ toib ni labúu gacné looy goʼol lo láani la?... Toib cós galán ni gonylo nigoreʼ ngú salólo guisuidylo de Jesús. ¿Ngú ni nainy looy gonylo la?...

BÍIL LÁANI LÓ LA BIBLIA:

  • 2 Pedro 1:16-18

  • Marcos 3:21; 14:51

  • Judas 1

  • Hechos 9:1-18