Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 10

Jesús guirá ór bisobdiitzbu

Jesús guirá ór bisobdiitzbu

¿Nagann guisoblo bixioslo né xinaʼlo la?... Rioʼ ór naganni. Per ¿nanlo xí labúu gacné looy guisobdiitzlo la? Láani ngú guicaalo cuidad mod buny Jesús. ¿Nanlo que láabu guirá ór bisobdiitzbu Jehová, bixiosbu né xinaʼbu la?... Nigoreʼ guisuidyno tidxó más de Jesús.

Dzú yása guieed Jesús ló Gudxlio, goyoʼbu lainy guibá né Bixiosbu, Jehová. Per órni goyoʼbu ló Gudxlio, láaca goyoʼ bixiosbu né xinaʼbu. Góc laayibu José né María. ¿Nanlo ximod góc ndeʼ la?...

Par que Jesús labúu ñeed ló Gudxlio. Jehová buny toib galrradziguiaʼ. Cuaʼbu vida xtuny Jesús, ni bibany lainy guibá, né goloʼbu Jesús lainy María xomodca rac né guirá badaʼ. Gaʼ beʼo goyoʼ Jesús lainy xinaʼ né ór cú golbu. Modreʼ gosann María láabu. María né tzeelbu José, bisniʼsyibu Jesús.

Órni Jesús doce íz napsa, bunybu toib cós ni bislooy que nadxiʼgolubu Bixiosbu, Jehová ni noʼ guibá. Ndeʼ góc dzú xfamilbu gosaa goyee Jerusalén. Goyeeyibu lagary reʼ par bunyibu lanii xtuny Pascua. Órni ma cabiguetyibu lidxyibu, José né María biduidyibu cuent que Jesús diti noʼ né layibu. ¡Diti bidzelyibu Jesús ni toib lad! Xpensarylo, ¿pu lagary goyoʼbu?...

¿Xigony goyee Jesús lainy templo?

José né María ni maca bibiguetyibu Jerusalén stoib, né gosaló biyopyibu Jesús. Tzón govitz biyopyibu né biaʼany nadzelyibu Jesús. ¡Nigolú goyoʼyibu ló galrrasaʼ! Per bidxin ór bidzelyibu Jesús: noʼbu lainy templo. Xpensarylo, ¿xigony goyoʼbu cú?... Portín lagarycu labúu nasuidybu xidal cós de Jehová. Jesús gondxiʼbu Bixiosbu né goniiny ñonybu que nabaladx Bixiosbu. Jesús guirá ór bisobdiitzbu Jehová, ná goyoʼ ór nagann gocni par láabu. Xpensarylo, ¿Jesús láaca bisobdiitzbu José né María la?... La Biblia ná que bunybu láani.

¿Xí rasuidyno mod ni bisian Jesús?... Que ná rioʼ ór naganni non guisobno bixiosno né xinaʼno. ¿Sonylo láani la?...

BÍIL LÁANI LÓ LA BIBLIA:

  • Lucas 1:30-35; 2:45-52

  • Efesios 6:1

  • Hebreos 5:8