Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Bisuidy xiinlo

 LESIONY 9

Jeremías diti bisian goniʼ de Jehová

Jeremías diti bisian goniʼ de Jehová

¿Xigony cadzuitz guirá buñreʼ né Jeremías?

Jehová bilaabu Jeremías

Tipnés buñ raxiich o radzuitz lóono órni raninéno layibu de Jehová. Ndeʼ labúu gony que ma diti guioladxno guinino de Dios. ¿Ma gosaclo scareʼ toibtica buelt la?... La Biblia raiby lóono de toib mbioxhlas ni gondxiʼ a Jehová, per tidxóyensi biatz par nasiambu de naniʼbu de Jehová. Láabu ngú góc Jeremías. Nigoreʼ guisuidyno más de láabu.

Órni Jeremías góc toib mbioxhlasien, Jehová góoch láabu que ñaibybu buñ nasian ñony cós mal. Ndeʼ nigolú góc nagann par Jeremías, né bidzuibybu. Láabu gochbu Jehová: Naʼ diti naana xí guiniya. Naʼ pénsa naca toib mbioxien. Per Jehová góoch láabu: Diti guidzuibylo naʼ gacnéya looy.

 Órni Jeremías góc toib mbioxhlasien, gosaló gochbu buñreʼ que non gac castigar layibu pal diti rasianyibu mod nacyibu. Xpensarylo, ¿bisobyibu ni goniʼ Jeremías la?... Yaca. Layibu bixiichyibu né bidzuitzyibu Jeremías. ¡Né stipnésyibu goniiny nagaity láabu! Xpensarylo, ¿ximod gosac Jeremías?... Láabu bidzuibybu né goniʼbu: Diti nainy naʼ guiniya de Jehová más. Per ¿bisiambu dxiin ni cuaʼbu la?... Yaca, diti bunybu ngú. Por ni gondxiʼgolubu Jehová ndeʼ buny que diti bisiambu goniʼbu de Jehová. Né por ni Jeremías diti bireʼgan, Jehová bilaa láabu.

Guisuidyno xí gosaclobu, tipnés buñ mal bisalyibu Jeremías lainy toib garió ni bidza beenyotz. Diti goyoʼ galrro né nís par láabu. Layibu goniiny nasianyibu Jeremías lainy garió cú par ñaity. ¡Per né xcalrracné Jehová, láabu bireʼbu de lagarycu!

¿Xí rasuidyno ni gosaclóo Jeremías?... Ná goyoʼ ór bidzuibybu diti bisiambu goniʼbu de Jehová. Órni looy raibylo stipnés buñ de Jehová, xidal buñ labúu guixiich o guidzuitz né looy. Labúu guitoylo o gonyni que guidzuibylo. Per diti guiduidylo lagary que ndeʼ guicaa looy par ma diti guiniʼlo de Jehová. Láabu guirá ór sacnébu looy, xomodca gocnébu Jeremías.

BÍIL LÁANI LÓ LA BIBLIA:

  • Jeremías 1:4-8; 20:7-9; 26:8-19, 24; 38:6-13