Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Bisuidy xiinlo

 LESIONY 6

David gop balory

David gop balory

¿Xí láani ronylo órni radzuibylo?... Sigory ni maca rieelo ronoʼ bixioslo o ronoʼ xinaʼlo. ¿Per noʼ stoib ni labúu gacné looy la? Ndeʼ ni más nadip que nitisi buñ. ¿Nanlo chú láabu la?... Scú, nacbu Jehová. Labúu guinablo xcalrracnébu guirá ór né láabu sacnébu looy. Ngú ni buny David. Por ni gopbu confianz lóo Jehová, gócbu toib buñ ni gop balory. Historia xtunybu sieedni ló la Biblia.

Dzú David góc mitien, bixiosbu né xinaʼbu bisuidy láabu gandxiʼbu Dios. Ndeʼ gocné láabu par diti bidzuibybu, ná órni gosaclobu cós ni ratzuiby nitisi buñ. Láabu gonbu que Jehová nac ximigbu né sacné láabu. Toibtica buelt órni cayapbu xiil, bieed toib betz bief né siné toib xilieen. ¿Nanlo xí buny David la? Cuanalbu betz cú né ralooypani bigaitybu betz cú né ñabu. Né órni toib ós bunynaa xiil xtunybu, David láaca bigaity láamu. ¿Chú láabu gocné a David par diti nadzuiby?... Galán cuapylo, gócbu Jehová.

Guisuidyno de stoib ór ro David láaca diti bidzuiby. Gocni órni israelitas cualó gudx filisteos. Toibtica soldad de filisteos, ni góc laa Goliat. ¡Gócbu toib buñguieeu ni nigolú nasoʼ! Goliat bunybu borla soldad de gudx israelitas né láaca de Jehová. Gochbu a soldad de gudx israelitas: ¡Colguiyopy chú nap balory par tíil né naʼ! Per guiráyibu bidzuibyibu né diti goyoʼ chú goniiny nadíil né láabu. Órni David bicadiag ni goniʼ Goliat, David cuapy láabu: Ná sacalóya looy. ¡Jehová sacné naʼ par gony gan looy! ¿Xigony diti bidzuiby David?... Láabu gopbu balory. ¿Rioladxlo ganlo xí láani góc después la?

David bitop gáay guiee ni nadxipdoot laidy né cuaʼ guiʼx bixiʼil o honda xtunybu, né cualóbu Goliat. Órni Goliat bibiʼ que David nac toib mbioxhlasien bixiichbu. Ór cú David góoch láabu: Looy cacalólo naʼ né toib espada. ¡Per naʼ cacalóya looy ló laa Jehová! Ór cú bixonybu seebu ronoʼ Goliat, goloʼbu toib guiee  lainy guiʼx bixiʼil xtunybu né bisalbu láani ronoʼ Goliat. Guiee cú cuáni merpa lacaa Goliat né láabu biabbu layoo, ma gueʼet nacbu. Órni filisteos bibiʼ xí láani góc, bidzuibyibu né bixonyibu. Xpensarylo, ¿xigony toib mbioxhlasien xomod David labúu buny gan Goliat?... Portín Jehová gocné láabu, né Láabu gócbu más nadip que Goliat.

David gop balory portín gonbu que Jehová gacné láabu

¿Xí rasuidyno de historia xtuny David?... Láani ngú que Jehová más nadip que nitisi buñ. Por ngú, pal rioʼ ór radzuibylo, bisetnaladx: Jehová nac ximiglo, né labúu gacnébu looy gaplo balory.

BÍIL LÁANI LÓ LA BIBLIA:

  • Salmo 56:3, 4

  • 1 Samuel 17:20-54