Jehová bixel Jesús ló Gudxlio (1 Juan 4:9).

Noʼ stoib buñ ni non gapnó xiroʼ respet né ni non guicadiagno scú Jehová sabaladx. Dzú yása guisaʼ Jehová Adán, Láabu bisaʼbu toib ángel lainy guibá ni nap xiroʼ galnadip.

Goduidy xidal íz, Jehová buny que toib mbioxhlas ni diti ma goyoné buñguieeu ni góc laa María, nasann xiimbu lainy toib gudx ni góc laa Belén. Badaʼ reʼ góc laa Jesús (Juan 6:38).

Órni Jesús bibany ló Gudxlio bisuʼ tzaaybu bixiosbu. Láabu gopbu galnadxi, galronladx né guirá buñ bibiknoo láabu. Bisuidybu a stipnés xinés Jehová né diti bidzubybu.

 Xidal buñ bianladx Jesús ná bunybu cós tzaay (1 Pedro 2:21-24).

Ni gosanir ló toib religión ló xtzú Jesús, bianladx láabu portín Jesús goleʼxilat que guirá ni bisuidyibu né mod ni bunyibu diti goc xinésni.

Jesús láaca bisialbu buñ guitz né golisbu tipnés gueʼet.

Ni gosanir ló toib religión layibu bikilyibu buñ ni buny mandary ló xtzú romanos par ñonynayibu né nagaityibu Jesús.