Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

La Biblia ¿de xí raniʼni?

 MIDID 11

Canción ni rasuidy né rasialdó xcalnabanyno

Canción ni rasuidy né rasialdó xcalnabanyno

Xcalnadip Jehová gocnéni David né stipnés buñ par bicaʼyibu canción ni ronyxiroʼ a Jehová. Libro ni sitné la Biblia ni laa Salmos sitné 150 de láani

SALMOS nac libro ni más sioʼol ni sitné la Biblia né cuáni midid de tipmil íz né pór canción napni. Guirá ni bicaʼ láani bislooyibu fe ni napyibu lóo Dios ló guirá canción móz reʼ. Loni láaca bislooyibu ni gosacyibu, xomod órni raduidyibu guixquix Jehová, órni rioʼob xcalnabanyibu por cós mal ni ma bunyibu, órni noʼyibu nabann o cabaladxyibu né órni ronyxiroʼyibu Jehová né canción. Guiráyibu nigolú gondxiʼyibu Dios né gosacyibu que noʼyibu gaxtiguié de láabu. Guibiʼno de xí guirá raniʼni.

Jehová, ni rony mandary guibá né Gudxlio, non gonyxiroʼno né guienno láabu. Salmo 83:18 nayadit náni: «Looy, laalo ngú Jehová, nosi looy ngú ni noʼ más Guiaʼ ló guidopynac gudxlio». Xidal salmos ronyxiroʼni Jehová portín láabu bisaʼbu guibá, vitzón, guirá ni nabany ló Gudxlio né mod ni bisaʼtzaybu buñgudxlio (Salmos 8, 19, 139 né 148). Stipnés ronyxiroʼyibu Jehová xomod toib Dios ni ran né ralaa guirá buñ ni nadxiʼ láabu (Salmos 18, 97 né 138). Né stipnés ronyxiroʼ láabu né canción portín ronybu xinésni, racnébu buñ ni diti nap dool né rony castigarbu buñ mal (Salmos 11, 68 né 146).

Jehová racné né rasialdó xcalnabany buñ ni nadxiʼ láabu. Salmo ni más rimbu buñ láani ngú número 23, ro David raslooybu a bixiosno Jehová ni noʼ guibá xomod toib buñtzayxat ni ran xiil, láabu ragonésbu, ranbu né rioʼbu galrrasaʼ por guirá xilieen xtunybu. Ló Salmo 65:2 rasetnaladxni lóono que Jehová nac «ni racadiag oración». Dada buñ ni nigolú buny cós mal rialdo xcalnabany órni roʼolyibu Salmos 39 né 51. Loni David goniʼ que nigolú rioʼobni láabu ni bunybu né gondxichbu que Jehová satuidy xcalkiébu scásiʼ. Né ló Salmo 55:22 racnéni lóono gapno fe lóo Jehová né guiduidyno lagary gacnébu lóono né xquiʼxno.

Jehová saquiimbu Xcalmandary Mesías par gonybu toib Gudxlio móz. Ló Salmos xidal buelt rasetlani de Mesías, ni goniʼ Jehová gony mandary. Guibiʼno ximod, ló Salmo 2 rasetlani que Gobierno reʼ sotñeʼni gudxrop ni gaiby guicaló láabu. Ló Salmo 72 rasetlaa que ma diti sioʼ galrralán, diti sioʼ cós mal né ma sac xinésni. Ló Salmo 46:9, rasetlani que Gobierno xtuny Dios sanitlóni guerr né saxoʼoxnoyni guip ni buñ raquiin ló guerr. Láaca ló Salmo 37 raniʼni que ló Gudxlio móz ma diti sioʼ buñ mal né buñtzay sabanyibu toibsi por tipzó ló Gudxlio móz.

(Bireʼni ló libro de Salmos.)

PAR GANNLO MÁS

¿Xí ngú Gobierno xtuny Dios?

¿Chú láabu ni rony Mandary ló Gobierno xtuny Dios, né xí ni gony Gobierno reʼ?